વિધાનસભા ગૃહમાં નાણામંત્રી દ્વારા રાજ્યમાં વધુ બે નગરપાલિકાને મહાનગર પાલિકા જાહેર કરવામાં આવી છે. વધુ બે મહાનગર પાલિકા જાહેર થતા હવે રાજ્યમાં કુલ 17 મહાનગર પાલિકા છે.
Share
હાલ ગુજરાત વિધાનસભામાં પ્રશ્નોત્તરી કાળ ચાલી રહ્યો છે. ત્યારે વિધાનસભામાં નાણાંમંત્રી કનુભાઈ દેસાઈએ મહત્વનો જાહેરાત કરી છે. જેમાં પોરબંદર-છાયા નગરપાલિકાને મહાનગર પાલિકા બનાવાશે. તેમજ નડિયાદ નગરપાલિકાને પણ મહાનગર પાલિકા જાહેર કરવામાં આવી છે. ધારાસભ્ય અર્જુન મોઢવાડિયાએ આ નિર્ણયને આવકાર્યો હતો. અગાઉ 7 નગરપાલિકાને મહાનગર પાલિકા બનાવવાની જાહેરાત કરવામાં આવી હતી.
રાજ્યમાં બનેલી મહાનગર પાલિકા
અમદાવાદ
સુરત
વડોદરા
રાજકોટ
જામનગર
જૂનાગઢ
ગાંધીનગર
ભાવનગર
અર્જુન મોઢવાડિયા (ધારાસભ્ય)
પોરબંદર ને ભવિષ્ય માં આંતરરાષ્ટ્રીય કક્ષાનું બનાવવાની તક વધશેઃ અર્જુન મોઢવાડિયા (ધારાસભ્ય)
આ બાબતે ધારાસભ્ય અર્જુન મોઢવાડિયાએ નિવેદન આપ્યું હતું કે, વિધાનસભાનાં સત્ર દરમ્યાન 7 નગરપાલિકાઓને મહાનગરપાલિકાઓમાં ફેરવવાની માંગ કરી હતી. પોરબંદર અને નડિયાદને મહાનગર પાલિકા બનાવવાની માંગણી સ્વીકારી તેને હું આવકારૂ છું. પોરબંદરને ભવિષ્યમાં આંતરરાષ્ટ્રીય કક્ષાનું બનાવવાની તક વધશે.
પંકજ દેસાઈ (ધારાસભ્ય નડિયાદ)
નડિયાદની બાજુમાં ઉત્તરસંડામાં બુલેટ ટ્રેનનું સ્ટેશન આવવાનું છેઃ પંકજ દેસાઈ (ધારાસભ્ય નડિયાદ)
નડીયાદને મહાનગર પાલિકા જાહેર કરતા આ બાબતે ધારાસભ્ય પંકજ દેસાઈએ નિવેદન આપ્યું હતું કે, સૌ પ્રથમ સીએમ અને નાણાં મંત્રીનો આભાર માનું છું. નડિયાદને મનપા બનાવવાની જાહેરાત કરી છે. નડિયાદ સરદાર સાહેબનું જન્મ સ્થળ છે. દેશને આઝાદ કરવા નડિયાદમાં અનેક આંદોલન થયા હતા. નડિયાદ અમદાવાદ અને બરોડા વચ્ચેનું શહેર છે. મહાનગરપાલિકા બનતા ખૂબ મોટો ફાયદો થશે. નડિયાદની બાજુમાં ઉત્તરસંડામાં બુલેટ ટ્રેનનું સ્ટેશન આવવાનું છે. જેથી નડિયાદમાં મહાનગર પાલિકા આવવી ખૂબ જરૂરી હતી. સાથે સાથે પોરબંદર ગાંધીજીનું જન્મ સ્થળ છે. તેનું ડેવલપમેન્ટ થાય તે જરૂરી છે. ત્યાં પણ મહાનગર પાલિકા આપી છે. તમામનો ખૂબ ખૂબ આભાર માન્યો હતો.
