- મોદી સરકારે કર્મચારીઓનું બીજું ભથ્થું વધારી શકે છે
- મોંઘવારી ભથ્થાના વધારા બાદ એચઆરએ વધી શકે
- એચઆરએ એટલે ઘરભાડનું ભથ્થું
- સરકારી કર્મીઓને શહેરની કેટેગરી પ્રમાણે મળે છે ભથ્થું
કેન્દ્રીય કર્મચારીઓને મોંઘવારી ભથ્થામાં 3 ટકાનો વધારો આપ્યા બાદ મોદી સરકાર હવે તેમના બીજા એક ભથ્થામાં વધારો કરે તેવી શક્યતા છે. કેન્દ્ર સરકાર ટૂંક સમયમાં પોતાના કર્મચારીઓને વધુ એક ભેટ આપી શકે છે. એટલે કે તેમના પગારમાં હજુ વધારો કરવામાં આવશે.
ઘર ભાડા (HRA)તથા બીજા ભથ્થામાં વધારાની શક્યતા
મીડિયા રિપોર્ટ અનુસાર મોંઘવારી ભથ્થા બાદ મોદી સરકાર કર્મચારીઓના ઘર ભાડા (HRA)તથા બીજા ભથ્થામાં વધારાનો નિર્ણય લઈ શકે છે.
DAમાં વધારો થયા બાદ HRAમાં વધારાની અપેક્ષા
મોંઘવારી ભથ્થામાં વધારા બાદ HRAમાં વધારાની અપેક્ષા પણ વધી છે. આ પહેલા ગયા વર્ષે જુલાઈમાં એચઆરએમાં વધારો થયો હતો. ત્યારબાદ ડીએ પણ 25 ટકાથી વધારીને 28 ટકા કરવામાં આવ્યું હતું. હવે જ્યારે ડીએને વધારીને 34 ટકા કરવામાં આવ્યું છે, તો એચઆરએમાં પણ વધારો થઈ શકે છે.
કઈ કેટેગરીના શહેર માટે કેટલા એચઆરએમાં વધારાની શક્યતા
સરકારી કર્મચારીઓને શહેરની કેટેગરી અનુસાર ઘર ભાડામાં વધારો મળે છે. શહેરો માટે ત્રણ કેટેગરી X, Y અને Z છે. મીડિયા રિપોર્ટ્સમાં કહેવામાં આવ્યું છે કે, એક્સ કેટેગરીના શહેરોમાં રહેતા અથવા કામ કરતા સરકારી કર્મચારીઓના એચઆરએમાં ડીએની જેમ જ 3 ટકા સુધીનો વધારો થવાની સંભાવના છે. હાલમાં આ શહેરોમાં કર્મચારીઓને બેઝિક સેલરી એચઆરએના 27 ટકા મળે છે.વાય કેટેગરીના શહેરો માટે આ વધારો 2 ટકા શક્ય છે. આ વિસ્તારોમાં કામ કરતા કર્મચારીઓને 18-20 ટકા એચઆરએ મળે છે. ઝેડ કેટેગરીના શહેરો માટે એચઆરએમાં 1 ટકાનો વધારો કરી શકાય છે. હાલ તો એચઆરએ 9-10 ટકાના દરે આપવામાં આવે છે.
