- દેશના 80 કરોડ લોકોને એક વર્ષ માટે મફત રાશન આપવામાં આવશે
- આ યોજનાનો લાભ લેવા માટે રાશનકાર્ડ હોવું જરૂરી છે
- રાશનકાર્ડ માટે આ રીતે ઓનલાઈન કરો અરજી
શુક્રવારે કેન્દ્ર સરકારે ગરીબોને મફત અનાજ આપવા અંગે કેબિનેટમાં મોટો નિર્ણય લીધો છે. કેબિનેટની બેઠક વિશે માહિતી આપતા કેન્દ્રીય મંત્રી પિયૂષ ગોયલે કહ્યું કે સરકારે રાષ્ટ્રીય ખાદ્ય સુરક્ષા કાયદા હેઠળ દેશના 80 કરોડ લોકોને એક વર્ષ માટે મફત રાશન લંબાવ્યું છે. તેનાથી કેન્દ્ર સરકાર 2 લાખ કરોડ રૂપિયાનો ખર્ચ કરી રહી છે.
રાશનકાર્ડ હોવું જરૂરી
કેન્દ્રીય ખાદ્ય અને જાહેર વિતરણ મંત્રી પીયૂષ ગોયલે જણાવ્યું હતું કે રાષ્ટ્રીય ખાદ્ય સુરક્ષા કાયદા હેઠળ, સરકાર અનુક્રમે 3,2,1 રૂપિયા પ્રતિ કિલોના દરે ચોખા, ઘઉં પ્રદાન કરે છે. સરકારે નિર્ણય લીધો છે કે ડિસેમ્બર 2023 સુધી તે સંપૂર્ણપણે મફત રહેશે. પણ સરકારની આ યોજનાનો લાભ લેવા માટે રાશનકાર્ડ હોવું જરૂરી છે. રાશનકાર્ડ એ આપણી ઓળખનો એક મહત્વપૂર્ણ દસ્તાવેજ છે અને તેના વિના સરકારની મફત રાશન યોજનાનો લાભ લઈ શકાતો નથી. એવામાં જો હજુ સુધી રેશન કાર્ડ નથી બનાવ્યું તો સરળતાથી ઓનલાઈન બનાવી શકાય છે.
રાશનકાર્ડ માટે આ રીતે ઓનલાઈન કરો અરજી
રેશન કાર્ડ મેળવવા માટે લોકોને હવે સરકારી કચેરીઓમાં નહીં જવું પડે હવે તેને લગતું મોટા ભાગનું કામ ઓનલાઈન થઈ ગયું છે. કોઈ પણ લોકો રેશન કાર્ડ માટે ઓનલાઈન ખૂબ જ સરળતાથી અરજી કરી શકે અને એ સાથે કાર્ડની સ્થિતિ પણ જાણી શકે છે. જણાવી દઈએ કે તમે તમારા રાજ્યના ફૂડ, સપ્લાય કન્ઝ્યુમર ડિપાર્ટમેન્ટની સત્તાવાર વેબસાઇટ દ્વારા તેના માટે અરજી કરી શકો છો.
કેવી રીતે અરજી કરવી?
ગુજરાતના લોકો https://fcsca.gujarat.gov.in/ વેબસાઇટની મુલાકાત લઈને તેના હોમપેજ પર લોગિન કરો અને 'NFSA 2013 એપ્લિકેશન ફોર્મ' પર ક્લિક કરો. તેમાં બધી માહિતી ભરીને તમારા દસ્તાવેજો આધાર કાર્ડ, રહેઠાણનું પ્રમાણપત્ર, આવકનું પ્રમાણપત્ર, પાસપોર્ટ સાઇઝનો ફોટો અને બેંક ખાતાની વિગતો અપલોડ કરવાની રહેશે. આ પછી તમારે ઓનલાઈન રેશન કાર્ડ ફી ભરવાની રહેશે. ફી ભરીને અને સબમિટ બટન પર ક્લિક કરો. આ રીતે તમે રેશન કાર્ડ બનાવવા માટે તમારી અરજી કરી શકો છો. જણાવી દઈએ કે અરજદારે વિવિધ કેટેગરી અનુસાર રૂ.5 થી રૂ. 45 સુધીની ફી ચૂકવવી પડે છે.
કેટલા દિવસમાં બને છે રાશનકાર્ડ?
અરજીમાં આપેલી માહિતી ક્ષેત્ર અધિકારી દ્વારા ચકાસવામાં આવશે અને જો માહિતી સાચી જણાય તો એક મહિનાની અંદર તમને રેશન કાર્ડ આપવામાં આવશે. રેશન કાર્ડ જારી થયા પછી તમે સરકારી વિતરણ કેન્દ્ર દ્વારા મફતમાં રાશન લઈ શકો છો. જો તમારા રેશન કાર્ડમાં ચાર લોકોના નામ નોંધાયેલા છે તો વ્યક્તિ દીઠ પાંચ કિલો રાશન આપવામાં આવશે.
