- ડ્રગ્સની દાણચોરીનો વધુ એક નવો આઈડિયા સામે આવ્યો
- છોકરી કંકોત્રીમાં ડ્રગ્સ સંતાડીને એરપોર્ટ પહોંચી
- ચેકિંગ દરમિયાન ઝડપાઈ ગઈ
- વીડિયો થયો વાયરલ
લગ્નનો પ્રસંગ ખુશીનો હોય છે અને તેમાંય લગ્નની કંકોત્રી ઘણી પવિત્ર હોય છે અને તેના દ્વારા સગાવહાલાંઓને લગ્નનું આમંત્રણ અપાતું હોય છે પરંતુ એક છોકરીએ તો લગ્નની કંકોત્રીની ડ્રગ્સની દાણચોરીનું સાધન બનાવી નાખ્યું. છોકરીને એમ કે લગ્નની કંકોત્રી છે એટલે કોઈ નહીં જુએ પરંતુ તેની ધારણા ખોટી ઠરી અને તેની આ ચોરી પકડાઈ ગઈ.
લગ્નની કંકોત્રમાં ડ્રગ્સ લઈ જતી છોકરી ઝડપાઈ
હાલમાં જ સોશિયલ મીડિયા પર એક ચોંકાવનારો વીડિયો વાયરલ થઇ રહ્યો છે, જેને જોઇને તમારી આંખો પણ ફાટી જશે. સતત વાયરલ થઇ રહેલા આ વીડિયોમાં એક છોકરી લગ્ન કંકોત્રી લઇને એરપોર્ટ પહોંચે છે, પરંતુ વીડિયોમાં આગળ શું થાય છે તેનો અંદાજો પણ તમે નહીં લગાવી શકો. વાસ્તવમાં યુવતી લગ્ન કંકોત્રી લઈને એરપોર્ટ પહોંચે છે. ત્યાં હાજર અધિકારીઓને શંકા પડતાં કંકોત્રીની તપાસ કરવામાં આવી અને જે મળ્યું તેનાથી અધિકારીઓની આંખો ફાટી ગઈ.
તપાસ દરમિયાન લગ્નના કાર્ડની અંદર ડ્રગ્સ મળી આવ્યું હતું, જેને લઇને યુવતી બીજે જવાની હતી, પરંતુ હાઇ ટેક્નોલોજીની મદદથી યુવતી ઝડપાઇ ગઇ હતી.
વીડિયો થયો વાયરલ
આ વીડિયોને આઈપીએસ ઓફિસર રૂપિન શર્માએ સોશિયલ મીડિયા પ્લેટફોર્મ પર પોતાના ઓફિશિયલ ટ્વિટર એકાઉન્ટથી શેર કર્યો છે, જેને લોકો ખૂબ જોઈ રહ્યા છે અને પસંદ પણ કરી રહ્યા છે. વીડિયો શેર કરતાં કેપ્શનમાં લખ્યું છે કે, 'લગ્નનું કાર્ડ ધરાવતી યુવતી એરપોર્ટ પર જ પકડાઈ ગઈ હતી. કાર્ડની અંદર ડ્રગ્સ હતું. કાળજી રાખો. એરપોર્ટ પર કોઈની પાસેથી કશું જ લેવું નહીં, પછી ભલેને તેનું કદ, વસ્તુ, કોઈ વૃદ્ધ, યુવાન, પુરુષ કે બાળક ન હોય.
