Short & Simple / ખેડા: મહી કેનાલમાંથી 2 બાળકોના મૃતદેહ મળી આવતા ચકચાર, પરિવારમાં ભારે આક્રંદ છવાયો

• કેનાલમાંથી મળ્યા 2 બાળકના મૃતદેહ
• સ્થાનિકોએ કેનાલમાંથી મૃતદેહ બહાર કાઢ્યા
• સેવાલિયા પોલીસે તપાસ શરૂ કરી

ખેડાની ગળતેશ્વર મુખ્ય મહી કેનાલમાંથી 2 બાળકોના મૃતદેહ મળી આવતા સમગ્ર પંથકમાં અરેરાટી ફેલાઈ છે. પોલીસ દ્વારા સ્થાનિકોની મદદથી બાળકોના મૃતદેહને કેનાલમાંથી બહાર કાઢીને પીએમ અર્થે હોસ્પિટલમાં ખસેડાયા છે. મૃતક બાળકોની ઓળખ કરવા પોલીસે તપાસ શરૂ કરી છે.

પોસ્ટ મોર્ટમ અર્થે ખસેડાયા હોસ્પિટલમાં
મળતી માહિતી અનુસાર, ખેડાના ગળતેશ્વર ગામના ખેડૂતોએ બે બાળકોના મૃતદેહોને કેનાલમાં તરતા જોઇને પોલીસને જાણ કરી હતી. જે બાદ સેવાલિયા પોલીસની ટીમ તાત્કાલિક ઘટના સ્થળે દોડી આવી હતી. જે બાદ પોલીસે સ્થાનિકોની મદદથી કેનાલમાંથી બંને બાળકોના મૃતદેહોને બહાર કાઢ્યા હતા. હાલ પોલીસે બંને બાળકોના મૃતદેહને પોલીસ દ્વારા પોસ્ટમોર્ટમ અર્થે હોસ્પિટલમાં ખસેડવામાં આવ્યા છે. આ બંને બાળકો કોણ છે?, ક્યાં ગામના છે? તે દિશામાં પોલીસ દ્વારા તપાસ હાથ ધરવામાં આવી છે.