કાર્યવાહી / અમદાવાદમાં લુખ્ખાતત્વોનો આંતક: ધોળાદિવસે લોકો બેઠા હતા અને પેટ્રોલ છાંટી કાફેમાં લગાવી આગ, ગઇકાલે રાત્રે પણ થઈ હતી બબાલ

• અમદાવાદના જગતપુર રોડ પર લુખ્ખા તત્વોએ કાફેમાં લગાવી આગ
• 5થી વધુ લુખ્ખા તત્વોએ પેટ્રોલ છાંટીને કાફેમાં લગાવી આગ
• ચાંદખેડા પોલીસે ફરિયાદ નોંધીને કાર્યવાહી હાથ ધરી

અમદાવાદનાં જગતપુર રોડ પર કેટલાક અસામાજીક તત્વોએ કાફેમાં આગ લગાવતા કાફેમાં બેઠેલા લોકોમાં નાસભાગ મચી જવા પામી હતી. ગત મોડી રાત્રે 5 જેટલા અસામાજીક તત્વોએ કાફેને પેટ્રોલ છાંટીને આગ લગાવી હતી. મળતી માહિતી મુજબ અંગત અદાવતને લઈ માથાકૂટ થઈ હતી. માથાકૂટ વધુ ઉગ્ર બનતા 5 શખ્સોએ કાફેમાં આગ લગાવી હતી. આગની ઘટનામાં કાફેમાં રાખેલો તમામ સામાન બળીને ખાખ થઈ ગયો હતો. ત્યારે આ અંગે ચાંદખેડા પોલીસે ફરિયાદ નોધી આગળની કાર્યવાહી હાથ ધરી હતી. 

પોલીસે આરોપીઓને પકડવા તજવીજ હાથ ધરી
આગની ઘટનાં બનતા જ લોકોમાં નાસભાગ મચી જવા પામી હતી. ત્યારે આ બાબતે તાત્કાલીક ફાયર ફાઈટરને જાણ કરતા ફાયર ફાઈટર ઘટનાં સ્થળે દોડી આવી આગ ઓલવવાની તજવીજ હાથ ધરી હતી. તેમજ પોલીસને જાણ કરતા પોલીસ પણ ઘટનાં સ્થળે આવી પહોચી હતી. ત્યારે કાફેમાં આગ લાગતા અસામાજીક તત્વો ત્યાંથી ફરાર થઈ ગયા હતા. આ બાબતે ચાંદખેડા પોલીસે ફરિયાદ નોંધી આરોપીઓને પકડવા તજવીજ હાથ ધરી છે.