- 2023નું વર્ષ ભારતીય બેટ્સમેનો માટે રહ્યું શાનદાર
- ઇતિહાસમાં પ્રથમ વાર ખેલાડીઓના ગજબ કારનામા
- જાણો તેમના રેકોર્ડ્સ વિશે
વર્ષ 2023 પૂર્ણ થવા આવ્યું છે. આ વર્ષ ભારતીય ક્રિકેટ ફેંસ માટે ખૂબ જ યાદગાર રહ્યું. ટીમ ઈન્ડિયા આ વર્ષે પણ ભલે આઈસીસી ટ્રોફી ન જીતી શકી, પરંતુ ક્રિકેટ જગતમાં તેનો દબદબો જોવા મળ્યો. આ વર્ષે ટીમ ઈન્ડિયાએ ત્રણેય ફોર્મેટમાં ખૂબ જ કમાલનું પ્રદર્શન કર્યું અને ત્રણેય ફોર્મેટમાં નંબર-1 પર બની રહી. વર્ષ 2023માં ભારતીય બેટ્સમેને એક એવો કમાલ કર્યો જે આજ પબેલા કોઈ પણ ટીમ નથી કરી શકી.
ભારતીય બેટ્સમેનનું ઐતિહાસિક પ્રદર્શન
આ વર્ષે ભારતમાં વનડે વર્લ્ડ કપ રમાયો. એવામાં બધી ટીમોનું ધ્યાન વનડે ક્રિકેટ પર વધારે હતું. પરંતુ ટીમ ઈન્ડિયાએ વનડેની સાથે સાથે ટી-20માં પણ પોતાનો જલવો બતાવ્યો.
આ વર્ષે ટી20માં ભારતીય બેટ્સમેન સૂર્યકુમાર યાદવ, શુભમન ગિલ, યશસ્વી જાયસવાલ અને ઋતુરાજ ગાયકવાડે સેન્ચુરી મારી. આ ક્રિકેટના ઈતિહાસમાં સૌથી પહેલો મોકો હતો જ્યારે એક જ વર્ષમાં એક જ ટીમના 4 બેટ્સમેનોએ ટી20 ફોર્મેટમાં સેન્ચુરી મારી. આ પહેલા આ કારનામો કોઈ પણ ટીમ નથી કરી શકી.
શ્રીલંકાએ જોઈ સૂર્યાની બેટિંગની ગરમી
વર્ષ 2023ની શરૂઆતમાં જ ભારત અને શ્રીલંકાની વચ્ચે 3 ટી20 મેચોની સીરિઝ રમાઈ હતી. સીરિઝની છેલ્લી મેચમાં સૂર્યકુમાર યાદવે સેન્ચુરી મારી હતી. સૂર્યાએ ફક્ત 45 બોલ પર સેન્ચુરી પુરી કરી હતી. ત્યાં જ સૂર્યકુમાર યાદવે 51 બોલ પર અણનમ 112 રન બનાવ્યા હતા. જેમાં 7 ચોગ્ગા અને 9 છગ્ગા માર્યા હતા.
શુભમન ગિલે બેટિંગ દ્વારા રચ્યો ઈતિહાસ
ટીમ ઈન્ડિયાએ જાન્યુઆરી- ફેબ્રુઆરીમાં ન્યૂઝીલેન્ડના સામે પણ ટી20 સીરિઝ રમી હતી. આ સીરિઝની છેલ્લી મેચમાં શુભમન ગિલે સેન્ચુરી મારી હતી. ગિલે અમદાવાદમાં રમાયેલી મેચમાં અણનમ 126 રન બનાવ્યા હતા.
ત્યારે તેમણે 63 બોલનો સામનો કરતા 12 ચોગ્ગા અને 7 છગ્ગા લગાવ્યા હતા. ત્યાં જ આ ઈનિંગની સાથે જ ન્યૂઝીલેન્ડના સામે એક ટી20 ઈનિંગમાં સૌથી વધારે રન બનાવનાર ખેલાડી પણ બન્યા હતા.
એશિયન ગેમ્સમાં સેન્ચુરી માપનાર પહેલા ભારતીય હતા યશસ્વી
એશિયન ગેમ્સ 2023માં ભારત અને નેપાળ ક્રિકેટ ટીમોની વચ્ચે ક્વોર્ટર ફાઈનલ મેચ રમાઈ ગઈ હતી. આ મેચમાં યશસ્વી જાયસવાલે સેન્ચુરી મારી હતી. તેમણે 49 બોલમાં 100 રન બનાવ્યા હતા. આ જાયસવાલની ટી20 ઈન્ટરનેશનલની પહેલી સેન્ચુરી પણ હતી. તેની સાથે જ તે ટી20માં ભારતના સૌથી યુવા સેન્ચુરી મારનાર બેટ્સમેન બન્યા. તેમણે 21 વર્ષ 279 દિવસની ઉંમરમાં નેપાળ સામે સેન્ચુરી મારી હતી.
