- ભારતીય ટીમની પ્લેઈંગ-11માં થશે ફેરફાર
- જાણો શુભમન ગિલ અને શ્રેયસ અય્યરનું શું થશે?
- આજે છે બીજી ટેસ્ટ મેચ
રોહિત શર્માની કેપ્ટન્સીમાં ભારતીય ટીમ હાલ ઈંગ્લેન્ડના સામે 5 મેચોની ટેસ્ટ સીરિઝ રમી રહી છે. સીરિઝની બીજી મેચ આજેથી વિશાખાપત્તનમના વાઈએસ રાજશેખર રેડ્ડી ક્રિકેટ સ્ટેડિયમમાં રમાશે.
આ મેચ ભારતીય સમયાનુસાર સવારે 9.30 વાગ્યાથી રમાશે. જ્યારે આ પહેલા સીરિઝનો પહેલો મુકાબલો હૈદરાબાદમાં થયો હતો. જેમાં 4 દિવસમાં જ ભારતીય ટીમને 28 રનોથી હારનો સામનો કરવો પડ્યો હતો. આ રીતે ઈંગ્લેન્ડ ટીમ સીરિઝમાં 1-0થી આગળ છે.
કેપ્ટન રોહિત શર્મા માટે મુશ્કેલ રહેશે આ કામ
રોહિત આ બીજી મેચ જીતીને સીરિઝ બરાબર કરવા માંગશે. પરંતુ આ પહેલા ભારતીય કેપ્ટન રોહિત શર્મા માટે પ્લેઈંગ-11 સિલેક્ટ કરવું થોડુ મુશ્કેલ રહેશે. આ મેચ પહેલા ઈજાના કારણે અમુક સ્ટાર પ્લેયર પહેલા જ બહાર થઈ ચુક્યા છે. એવામાં બીજી મેચ માટે ભારતીય પ્લેઈંગ-11માં મોટા ફેરફાર થઈ શકે છે.
હકીકતે બીજી મેચ માટે સ્ક્વોડમાં વિરાટ કોહલી, રવીંન્દ્ર જાડેજા, કેએલ રાહુલ અને મોહમ્મદ શમી નથી. જ્યારે શુભમન ગિલ અને શ્રેયસ અય્યર ખૂબ જ ખરાબ ફોર્મથી ઝઝુમી રહ્યા છે. કેપ્ટન રોહિત પોતે રન બનાવવામાં સફળ નથી થઈ રહ્યા. એવામાં બીજી ટેસ્ટ માટે મોટા નિર્ણય લઈ શકાય છે.
વધુ વાંચોઃ ભારતના સ્ટાર ક્રિકેટર મયંકને પાણીમાં અપાયું ઝેર? પોલીસે નોંધી FIR, હવે કેવી છે તબિયત?
ગિલ અને અય્યર બન્નેને અથવા તો ગમેતે એકને બહાર બેસાડવામાં આવી શકે છે. તેના કારણે રજત પાટીદાર અને સરફરાજ ખાનને તક મળી શકે છે. જો આમ થયું તો આ રજત અને સરફરાજની ડેબ્યૂ મેચ પણ બની શકે છે. જોકે ગિલ અને અય્યરને બહાર બેસાડવાની આશા ખૂબ ઓછી છે.
