ગજબ / ટેક્સી ડ્રાઈવરનાં એકાઉન્ટમાં અચાનક આવી ગયાં 9000 કરોડ રૂપિયા ! મિત્રોને હરખભેર મોકલવા માંડ્યો પૈસા પણ પછી જે થયું તે ચોંકાવનારું

• ટેક્સી ડ્રાઈવરનાં એકાઉન્ટમાં એકાએક આવ્યાં 9 હજાર કરોડ
• બેંકની ભૂલનાં કારણે ડ્રાઈવરનાં એકાઉન્ટમાં આવ્યાં કરોડો રૂપિયા
• જો કે બેંકે પોતાની ભૂલ સ્વીકારી અને પૈસા પરત ખેંચ્યાં

તમિલનાડુમાં રહેતા એક ટેક્સી ડ્રાઈવરનાં એકાઉન્ટમાં અચાનક બેંકની ભૂલને કારણે 9 હજાર કરોડ રૂપિયા ટ્રાંસફર થઈ ગયાં. જો કે પછી બેંકે પૈસા પાછા પણ લઈ લીધા હતાં. ખાતામાં કરોડો રૂપિયા આવ્યાની માહિતી મેળવતાની સાથે જ નિક્કરપટ્ટી ગામમાં રહેનારા રાજકુમાર ચોંકી ગયાં હતાં. આ સમગ્ર ઘટના 9 સપ્ટેમ્બરનાં બપોરે 3 વાગ્યે બની હતી.

બપોરે 3 વાગ્યે ખબર પડી..
મીડિયા રિપોર્ટ અનુસાર રાજકુમારે કહ્યું કે દિવસભર કામ કર્યાં બાદ હું બપોરે થોડીવાર સુઈ ગયો હતો. બપોરે 3 વાગ્યા આસપાસ મને મારા બેંકથી મારા ખાતામાં પૈસા જમા થયા હોવાનો સંદેશો મળ્યો. આટલી મોટી રાશિ જોઈને તો હું ગણતરી પણ ન કરી શક્યો કારણકે તેમાં ઘણાં શૂન્ય હતાં. 

બેંકે પૈસા પાછા ખેંચી લીધાં
મીડિયા અનુસાર જમા થયેલ રાશિ પાછળથી બેંકે પાછી લઈ લીધી જેમાં બેંકે કહ્યું કે તેમણે રાજકુમારનાં ખાતામાં પૈસા નાખવામાં ભૂલ કરી દીધી હતી. પૈસા જમા થયા બાદ રાજકુમારે પોતાના એક મિત્રનાં ખાતામાં 21000 રૂપિયા ટ્રાંસફર કરી દીધાં અને આશરે 30 મિનીટ બાદ બેંકોને પોતાની ભૂલ ખબર પડી અને રાશિ પાછી ખેંચી લીધી.

105 રૂપિયા હતાં...
બેંક અધિકારીઓએ રાજકુમારનો સંપર્ક કર્યો અને તેને પૈસા ન નિકાળવા વિનંતી કરી. 9 હજાર કરોડ રૂપિયા ખાતામાં ક્રેડિટ થયા પહેલા રાજકુમારનાં ખાતામાં માત્ર 105 રૂપિયા હતાં. રાજકુમારે કહ્યું કે બેંકે તેને કાર લોન આપવાનો નિર્ણય કર્યો છે. રાજકુમાર અનુસાર બેંકે કહ્યું કે મારે અત્યારસુધી વાપરેલ રકમ પરત કરવાની જરૂર નથી.