- નવસારીમાં ભરશિયાળે પાણીકાપથી લોકોને હાલાકી
- ભૂલ તંત્રની પણ ભોગવશે આખું નવસારી શહેર!
- શહેરને નહેર દ્વારા અપાતું પાણી ફક્ત એક સમય અપાશે
- કેનાલના સમારકામને લઇ પાણી પૂરવઠો ખોરવાયો
- નવસારીમાં હવે 2 ટાઇમના બદલે એક ટાઇમ પાણી અપાશે
Navsari News : નવસારી શહેરમાં ભરશિયાળે પાણી કાપને લઈ તંત્રની ઢીલી નીતિના કારણે પ્રજાને હાલાકી ભોગવવાનો વારો આવ્યો છે. વાત જાણે એમ છે કે, કેનાલ રિપેરિંગના કામને લઈ શહેરમાં નહેર દ્વારા અપાતુ પાણી હવે એક સમય અપાશે. કેનાલના રિપરિંગ કામને લઈને પાણી પૂરવઠો ખોરવાયો હોવાથી નવસારીમાં હવે એક ટાઈમ જ પાણી અપાશે. શહેરમાં પાણી આપવાના સમયમાં ફેરફાર કરાયો તો આ સાથે સિંચાઈ વિભાગ દ્વારા નહેરનું રોટેશન બંધ કરાયુ છે.
નવસારી શહેરમાં તંત્રના પાપે લોકોએ ભરશિયાળે પણ પાણીકાપનો સામનો કરવો પડી રહ્યો છે. વિગતો મુજબ કેનાલના રિપરિંગ કામને લઈને પાણી પૂરવઠો ખોરવાયો છે. જેથી હવે 23 જાન્યુઆરી સુધી એક ટાઈમ દોઢ કલાક પાણી અપાશે. આ તરફ હવે જુદા જુદા વિસ્તારો માટે ટાઈમ ટેબલ જાહેર કરાયુ છે. મહત્વનું છે કે, શહેરને જો ઈન્ટર લિંકીંગથી પાણી મળતુ હોત તો આજે પાણીકાપ ન આવત, પણ સ્ટોરેજ માટે ઇન્ટર લિંકીંગ પ્રોજેક્ટની 5 વર્ષથી કામગીરી ચાલી રહી છે.
વિગતો મુજબ નવસારી-વિજલપોર પાલિકા ઇન્ટર લીંકિંગ તળાવ પ્રોજેક્ટ ગોકળ ગતિએ ચાલી રહ્યો છે. કરોડોના ખર્ચે તળાવોને એક કરવાનો પ્રોજેક્ટ ચાલી રહ્યો હોઇ હવે પાલિકાની દિશાવિહન કામગીરીના કારણે પ્રજા પરેશાન બની છે. મહત્વનું છે કે, કેનાલના પાણી પર નિર્ભર રહેતી પાલિકા પાસે સ્ટોરેજની કોઈ વ્યવસ્થા નથી.
