BIG BREAKING / સુરતનો બારડોલી હાઇવે ચિંચિયારીથી ગૂંજી ઉઠ્યો: કાર અને ડમ્પર વચ્ચે ગમખ્વાર અકસ્માત, 6ના કરૂણ મોત

• સુરત બારડોલી નેશનલ હાઈવ પર ગમખ્વાર અકસ્માત
• બારડોલીના બમરોલી નજીક અકસ્માતમાં 6 ના મોત
• કાર અને ડમ્પર વચ્ચે સર્જાયો અકસ્માત 

સુરત બારડોલી નેશનલ હાઈવે પર ગમખ્વાર અકસ્માત સર્જાયો હતો. જેમાં બારડોલીનાં બમરોલી નજીક અકસ્માતમાં 6 નાં મોત નિપજ્યા છે. કાર અને ડમ્પર વચ્ચે અકસ્માત સર્જાયો હતો. અકસ્માતમાં કારમાં સવાર 6 લોકોનાં ઘટના સ્થળે જ મોત નિપજ્યા હતા. જેમાં 3 મહિલા, 1 બાળકી, 1 પુરૂષ તેમજ 1 બાળકનું અકસ્માતમાં મોત નિપજ્યું છે.  આ ઘટનાની જાણ બારડોલી પોલીસને થતા પોલીસના કાફલો ઘટના સ્થળે પહોચ્યો હતો. ત્યારે મૃતક પરિવાર સુરત જીલ્લાનાં માંડવીનાં હોવાનું જાણવા મળી રહ્યું છે. બારડોલીના તરસાડી ખાતે લગ્ન પ્રસંગમાંથી પરત આવતી વખતે અકસ્માત સર્જાયો હતો.