NULL / પુત્રી પર દુષ્કર્મ આચરનાર હેવાન પિતાને સુરત કોર્ટે ફટકારી 10 વર્ષની સજા

સુરતઃ પુત્રી પર દુષ્કર્મ કરનાર પિતાને 10 વર્ષની સજા ફટકારવામાં આવી છે. પલસાણામાં નરાધામ બાપ પુત્રી પર 10 વર્ષ સુધી દુષ્કર્મ કરતો હતો. એઇડ્સગ્રસ્ત પિતાએ સતત 10 વર્ષ સુધી દુષ્કર્મ આચર્યાની ફરિયાદ માતા અને પુત્રીએ નોંધાવી હતી. સુરત કોર્ટે ફરિયાદના આધારે પિતાને 10 વર્ષની સજા ફટકારી છે.

મહત્વનું છે કે સુરત સહિત સમગ્ર રાજ્યમાં બળાત્કારની ઘટનાઓમાં વધારો થયો છે. પરંતુ દિવસેને દિવસે હેવાનિયત હદ વટાવી રહ્યું છે. ત્યારે હેવાન પિતાએ જ પોતાની પુત્રી પર સતત 10 વર્ષ સુધી દુષ્કર્મ આચર્યું હતું. જેને લઇને માતા અને પુત્રીએ પોલીસ સ્ટેશનમાં ફરિયાદ નોંધાવી હતી.

આ ફરિયાદના આધારે પિતાને સુરત કોર્ટે સજા ફટકારી છે. જેમાં કોર્ટે 10 વર્ષની સજા ફટકારી છે. શું આ 10 વર્ષની સજા યોગ્ય છે? નરાધમ પિતા પુત્રીને વર્ષો સુધી પિંખતો રહ્યો તેની સજા માત્ર 10 વર્ષ? દુષ્કર્મના આરોપીને ફાંસી કેમ નહીં? 10 વર્ષની સજા કિસ્સા સમાન બનશે? કોર્ટની કાર્યવાહી સંતુષ્ટ છે?