Stock Market / માર્કેટ મજામાં: નિફ્ટી અને સેન્સેકસ ઑલ ટાઈમ હાઇ, આ કંપનીના શેરમાં થઈ સૌથી વધુ કમાણી

• ભારતીય શેરબજારમાં શુક્રવારે બમ્પર ઉછાળો જોવા મળ્યો
• BSE સેન્સેક્સ 920 પોઈન્ટ વધીને 72, 620ની ઉપર પહોંચ્યો
• નિફ્ટી 50માં 256 પોઈન્ટનો ઉછાળો જોવા મળ્યો હતો

ભારતીય શેરબજારમાં ટ્રેડિંગ અઠવાડિયાના છેલ્લા દિવસે એટલે કે શુક્રવારે બમ્પર ઉછાળો જોવા મળ્યો હતો. આઈટી, રિયાલિટી સહિતના મોટાભાગના સેક્ટરમાં ખરીદી થઈ હતી. 

Equity benchmark Sensex hits fresh lifetime high of 72,720.96; Nifty at record 21,928.25

— Press Trust of India (@PTI_News) January 12, 2024

બપોર સુધીમાં BSE સેન્સેક્સ 920 પોઈન્ટ વધીને 72,720ની ઉપર પહોંચ્યો હતો. તે જ સમયે, નિફ્ટી 50માં 256 પોઈન્ટનો ઉછાળો જોવા મળ્યો હતો અને નેશનલ સ્ટોક એક્સચેન્જનો મુખ્ય ઈન્ડેક્સ 21,928ની આસપાસ પહોંચ્યો હતો. બીજી તરફ બેંક નિફ્ટી પણ 373 પોઈન્ટના વધારા સાથે 47,811ની ઉપર ટ્રેડ કરી રહ્યો છે.

વધુ વાંચો: રોકાણકારો રૂપિયા હાથવગા રાખજો, દેશની સૌથી અમીર મહિલા આપશે કમાણી કરવાનો ચાન્સ, આવી રહ્યો છે ધમાકેદાર IPO

આઈટી સેક્ટરના સૌથી મોટા સ્ટોક ઈન્ફોસિસના શાનદાર પરિણામોની અસર શેરના ભાવ પર જોવા મળી હતી અને આજે આ શેર લગભગ 8 ટકાના ઉછાળા સાથે રૂ. 1612 પર પહોંચી ગયો હતો. આ સિવાય ટેક મહિન્દ્રા, વિપ્રો, ટીસીએસ, એચસીએલ ટેક નિફ્ટીના ટોપ ગેનર્સમાં સામેલ છે. ONGCમાં પણ 4.65 ટકાનો ઉછાળો જોવા મળ્યો હતો.