પોતાનાં મોજ શોખ પુરા કરવા માટે રીક્ષાની ચોરી કરી તેને નજીવી કિંમતે અન્ય જીલ્લામાં જઈ વેચી દેનાર ચોર ટોળકીને ખટોદરા પોલીસે ઝડપી પાડ્યા હતા. ત્યારે ઝડપાયેલા ચોર ટોળકીની પૂછપરછ હાથ ધરતા અનેક રીક્ષા ચોરીનાં ભેદ ઉકેલાઈ જવા પામ્યા હતા.
Share
રાજ્યભરમાં રીક્ષા ચોરી કરી વેચી દેતી ટોળકી ઝડપાઈ
ત્રણેય લોકોને સુરતની ખટોદરા પોલીસે ઝડપી પાડ્યા
ઝડપાયેલ લોકોએ પૂછપરછમાં અનેક ચોરીનાં ભેદ ઉકેલ્યા
પોતાના મોજ શોખ પૂરા કરવા માટે માત્ર સરકારી હોસ્પિટલમાં આવતા દર્દી અને તેના સગાઓની રીક્ષા ચોરી કરી ગ્રામ્ય વિસ્તારમાં વેચી નાખતી એક ગેંગને સુરત પોલીસે ઝડપી પાડી છે. પકડાયેલા આરોપીઓ પાસેથી પોલીસે ત્રણ જેટલી રિક્ષા કબજે કરી અને 6 જેટલા ગુનાની કબુલાત કરાવી છે. પકડાયેલ આરોપી સુરત સાથે રાજ્યના અન્ય શહેર માત્ર સિવિલ હોસ્પિટલ ખાતે રીક્ષા ચોરીના ગુનામાં ભૂતકાળ પકડાય ગયા હોવાની કબૂલાત પણ કરી છે.
વિજયસિંહ ગુર્જર (DCP, સુરત)
રીક્ષાની ચોરી કરી નજીવી કિંમતે વેચી દેતા હતા
સુરત પોલીસ ગુનાખોરી ડામવા માટે સતત ગુનેગારોને પકડવાની કામગીરી કરી રહી છે ત્યારે સુરતની ખટોદરા પોલીસને જાણકારી મળી હતી કે કેટલા ઈસમો પોતાના મોજ શોખ ખાતર સુરતની નવી સિવિલ હોસ્પિટલ માથી રીક્ષાઓની ચોરી કરી તેને અલગ અલગ જગ્યા પર વેચી નાખતા હોવાની હકીકતના આધારે પોલીસે વોચ રાખી છેલ્લા છ મહિનામાં સિવિલ હોસ્પિટલમાં આવતા દર્દી ની પાર્ક કરેલી ત્રણ જેટલી રિક્ષાઓ ચોરી થયા હોવાની વિગતના આધારે પોલીસે જય ઉફે જયલો ગૌરીશંકર રાવલ વિજય બાબુલાલ ડાભી જયદીપ ઉફે લાલો ડાયાભાઈ રાવળ પોલીસે અટકાયત કરી પૂછપરછ કરતા પકડાયેલા આરોપીઓએ સુરતની નવી સિવિલ હોસ્પિટલમાંથી ત્રણ જેટલી રિક્ષાઓ ની ચોરી કર્યા બાદ આ રીક્ષા પોતે ચલાવી ગાંધીનગર લઈ જતા હતા અને ગાંધીનગરના ગ્રામ્ય વિસ્તારમાં તેમના ઓળખીતાઓમાં 20-25,000 માં વેચી એ રૂપિયા આવ્યા બાદ તેનાથી પોતાના મોજ શોખ પૂરા કરતા હતા.
પકડાયેલ આરોપી અગાઉ બે ગુનામાં પકડાઈ ચૂક્યો છે
પકડાયેલા આરોપીઓની વધુ પૂછપરછમાં આરોપીઓ દ્વારા ગાંધીનગર સેક્ટર 7 મહેસાણાના વડનગર અને ગાંધીનગરના ચિલોડા પોલીસ સ્ટેશનમાં પણ ત્રણ રીક્ષા ચોરી કર્યા હોવાની કબુલાત કરી હતી. આમ પકડાયેલા આરોપીઓ પાસેથી છ જેટલા ગુનાનો ભેદ પોલીસે ઉકેલી કાઢ્યો હતો. પકડાયેલા આરોપીઓમાં જયેશ રાવલ અગાઉ ભરૂચ વડોદરામાં બે ગાંધીનગરમાં એક અમદાવાદમાં બે મહેસાણામાં બે ગુનામાં પકડાઈ ચૂક્યો છે. આરોપીઓ ગુજરાત બંધની સિવિલ હોસ્પિટલમાંથી પાર્ક કરેલી રિક્ષાઓ ચોરવા માટે જાણીતા બન્યા હતા. હાલ કડોદરા પોલીસે પકડાયેલા આરોપીઓ વિરુદ્ધ ગુનો દાખલ કરી વધુ તપાસ શરૂ કરી છે. ત્યારે આરોપીઓની ગેંગ નો એક સાગરીત પોલીસ પકડથી બહાર હોવાને લઈને પોલીસે તેને વોન્ટેડ જાહેર કર્યો છે.
