ક્રાઈમ / ગાંધીનગરમાં સટ્ટાકાંડ, SPએ કરી પ્રેસકોન્ફરન્સ 17 આરોપી સાથે 50 મોબાઇલ અને રોકડ ઝડપાઇ, વિદેશ કનેકશન હોવાની ચોંકવનારી માહિતી

• સટ્ટાકાંડ ઝડપાવા મામલે ઈન્ચાર્જ SPનું નિવેદન
• "પોલીસે 17 આરોપીની ધરપકડ કરી"
• "4 લેપટોપ સહિતનો મુદ્દામાલ પણ જપ્ત કર્યો"

રાજ્યમાં મેચને લઈ સટ્ટોડીયા એક્ટિવ થયાં છે અને આઈપીએલ પર સટ્ટા રમતા અને રમાડતા કેટલાક શખ્સો ગાંધીનગરથી ઝડપાયા છે. ઝડપાયેલા સટ્ટાકાંડ મામલે ઈન્ચાર્જ SP અમીબેન પટેલનું નિવેદન સામે આવ્યું છે. એસપીએ જણાવ્યું છે. પોલીસે 17 આરોપીની ધરપકડ કરી છે અને આ આરોપીની ધરપકડ કરવા સાથે 50 મોબાઈલ અને રોકડ પણ ઝડપાઈ છે. 

17 આરોપી ઝડપાયા
ઈન્ચાર્જ એસપીએ કહ્યું કે, 4 લેપટોપ સહિતનો મુદ્દામાલ પણ જપ્ત કર્યો છે તેમજ આ  સટ્ટાકાંડનું વિદેશી કનેક્શન હોવાની પણ માહિતી છે તેમજ રાદેસણ વિસ્તારમાં સટ્ટાકાંડની માહિતી મળી હતી. તેમણે કહ્યું કે, મારુતિ મેગ્નમ એપાર્ટમેન્ટમાં રેડ કરી હતી જેમાં રવિ માળી અને જીતુ માળી IPL પર સટ્ટો રમાડનારા મુખ્ય આરોપી છે તેમજ કુલ 20 આરોપીમાંથી 17 આરોપી ઝડપાયા છે અને 3 આરોપીને વોન્ટેડ જાહેર કરાયા છે.

 મારુતિ મેગ્નમ એપાર્ટમેન્ટમાં રેડ
ઈન્ચાર્જ એસપી અમી પટેલે જણાવ્યું કે, રાદેસણા વિસ્તારમાં ક્રિકેટ બેટિંગ રમાવવાની બાતમી મળી હતી જે મુજબ  મારુતિ મેગ્નમ એપાર્ટમેન્ટમાં રેડ કરવામાં આવી તે રેડ મુજબ તે ઈન્ટરનેશન ક્રિકેટ બેટિંગ સ્ટેન્ડિંગ બહાર આવ્યાની અમને વિગતો મળી છે તેમણે કહ્યું કે,  દુબઈ બેઈસ્ટ ચલાવવામાં આવી રહ્યું હતું તેવી પ્રાથમિક માહિતીમાં જાણવા મળ્યું છે. રવિ માળી અને જીતુ માળી દ્વારા ભારતના જુદા જુદા શહેરોમાં આઈપીલ મેચોનું બેટિંગ કરાવતા હોય તેવી માહિતી પાપ્ત થઈ છે. સદર રેડ દરમિયાન 17 આરોપીઓને પકડવામાં આવ્યા છે તેમજ 3 વોન્ટેડ છે. કુલ 48 મોબાઈલ તેમજ 4 લેપટોપ અને કેસની રકમ 68 હજારની આસપાસ સીઝ કરવામાં આવી છે.  તેમજ 22 ચેકબુક અને પાસબુક પણ સીઝ કરવામાં આવી છે તેમજ સાથો સાથ 10 ઈન્ડિયન પાર્સપોર્ટ જપ્ત કરવામાં આવ્યા છે.