- 24 ઓક્ટોબરના રોજ રાવણ દહન સાથે નવરાત્રી મહોત્સવ સંપન્ન
- દશેરાના દિવસે શનિ મહારાજ, ભગવાન સૂર્ય અને ચંદા મામાના મળશે આશીર્વાદ
- 30 વર્ષ પછી બનતા યોગને લઈને 5 રાશિના જાતકોને લાભ
માતાજીની પૂજા આરાધના સાથે નવરાત્રી મહોત્સવનો બરાબરનો માહોલ જામ્યો છે અને ભક્તો દાંડિયા અને ગરબાની મોજ માણી રહ્યા છે. સાથે આધ્યાશક્તિની આરાધનામાં મગ્ન છે ત્યારે આગામી દિવસોમાં હવે 24 ઓક્ટોબરના રોજ રાવણ દહન સાથે નવરાત્રી મહોત્સવ સંપન્ન કરવામાં આવશે. આવી સ્થિતિ વચ્ચે દશેરાનું અનેક રીતે મહત્વ બની રહ્યું છે. સૌપ્રથમ તો માતાજીની નવ દિવસ આરાધના કર્યા બાદ દશેરાના દિવસે માતાજીના ભક્તો ઉપવાસના પારણા કરે છે અને માતાજીને આગામી વર્ષમાં આમંત્રણ આપી અને વિદાય આપે છે. વધુમાં ઘરોમાં સ્થાપિત કરવામાં આવેલ કળશનું પણ વિસર્જન કરે છે અને માતાજીના આશીર્વાદ પ્રાપ્ત કરે છે. પરંતુ આ વર્ષે વિશેષ યોગ બની રહ્યો હોવાથી દશેરાના દિવસે શનિ મહારાજ, ભગવાન સૂર્ય અને ચંદા મામા પણ તમારા પર ખુશી વરસાવી શકે છે.
જ્યોતિષોના જણાવ્યા અનુસાર આ વર્ષે દશેરાના દિવસે ૩૦ વર્ષ પછી એક ખાસ યોગ બનવા જઈ રહ્યો છે શનિ તેની મૂળ ત્રિકોણ રાશિ કુંભમાં છે. જેના કારણે શશ નામનો યોગ બની રહ્યો છે. બીજી તરફ સૂર્ય અને બુધ તુલા રાશિમાં હોવાથી બુધાદિત્ય યોગ બનશે. તેમજ ચંદ્ર અને શુક્ર એકબીજાની બરાબર સામે છે જેના કારણે ધન યોગ બની રહ્યો છે. જેને લઈને પાંચ રાશિના જાતકોને લાભ થશે.
કર્ક રાશિ
દશેરા નિમિતે કર્ક રાશિના લોકોને સારી આર્થિક લાભ થવાની સંભાવના છે.આ શુભ યોગને લઈ કર્ક રાશિના જાતકો કોઈ પણ વસ્તુમાં રોકાણ કરી શકે છે જેમાં સારા નફાની સંભાવના જોવા મળી રહી છે. આ ઉપરાંત તમારી સંપત્તિમાં વધારો થવાની શકયતા છે અને તમામ કાર્યક્ષેત્રમા સારો લાભ મળશે.
વૃષભ રાશિ
વૃષભ રાશિના જાતકો માટે પણ દશેરાનો દિવસ સારો સાબિત થઈ શકે છે. આ દિવસે આર્થિક લાભ તો થશે જ સાથે અગાઉ તમારા અટકેલા રૂપિયા પણ છુટ્ટા થઈ શકે છે. વધુમાં પ્રેમ જીવનમાં પણ પરિવર્તન આવશે અને તમારા પરિવારમાં સુખ અને સમૃદ્ધિ આવે તેવી શકયતા છે.
મકર રાશિ
વધુમાં દશેરાનો આ યોગ મકર રાશિવાળા લોકોની પણ નાણાં ભીડ ભાગશે. અને આર્થિક સ્થિતિમાં સુધારો આવશે. નોકરીમાં સારો વિકલ્પ અને નોકરી બદલાવના પુરા સંકેતો જોવા મળી રહ્યા છે.
તુલા રાશિ
વ્યાપાર ક્ષેત્રમાં સંકળાયેલા તુલા રાશિના લોકોને દશેરાના આ શુભ યોગથી સારો એવો ધન લાભ થવાની શક્યતા છે. જુના વિવાદનો અંત આવી શકે છે અને પરિવારમાં ખુશી બની રહેશે. સાથે જ જીવનસાથી સંબંધી સમસ્યાનો અંત આવશે અને તેમનો સાથ પણ મળશે.
કુંભ રાશિ
દશેરાના આ રાજયોગને લઈ કુંભ રાશિના લોકોના જીવનમાં અદભુત બદલાવા આવશે. કુંભ રાશિના જાતકોના જીવનમાં ખુશી ડગ માંડશે અને જુના અટકેલા કામો પણ ઉકેલાઈ શકે છે. વેપારમાં પણ સારો એવો લાભ મળશે. સાથે જ નવું કામ શરૂ કરવાની પણ તક મળશે.
