- કન્નડ ફિલ્મ સ્ટાર નરેશ બાબુ ફરી લગ્ન કરવા તૈયાર
- એક્ટ્રેસ પવિત્રા લોકેશ સાથે કર્યું લિપ-લોક
- ત્રીજી પત્ની રામ્યાએ કહ્યું કે આ લગ્ન ક્યારેય નહીં થવા દે
ફિલ્મ ઇન્ડસ્ટ્રીમાંથી ફરી એક વખત એવા સમાચાર સામે આવ્યા છે જેને સાંભળીને દરેક લોકો આશ્ચર્યચકિત થયા છે. કન્નડ ફિલ્મ સ્ટાર નરેશ બાબુ ફરી લગ્ન કરવા તૈયાર છે. જણાવી દઈએ કે અભિનેતાએ નવા વર્ષ નિમિત્તે એક વીડિયો શેર કરીને ચાહકોને આ ખુશખબર આપી છે જેમાં તે એમની લેડી લવ એક્ટ્રેસ પવિત્રા લોકેશ સાથે લિપ-લૉક કરતો જોવા મળ્યા હતા. હાલઆ આ વીડિયો સોશ્યલ મીડિયા પર ખૂબ જ વાયરલ થઈ રહ્યો છે અને આ વાયરલ વિડીયો પર નરેશ બાબુની ત્રીજી પત્ની રામ્યા રઘુપતિએ પણ પોતાની પ્રતિક્રિયા આપી હતી. જણાવી દઈએ કે રામ્યાએ ગુસ્સો વ્યક્ત કરતાં કહ્યું હતું કે તે આ લગ્ન ક્યારેય નહીં થવા દે.
એક્ટ્રેસ પવિત્રા લોકેશ સાથે કર્યું લિપ-લોક
જણાવી દઈએ કે નરેશ અને પવિત્રાએ સોશિયલ મીડિયા પર એક વીડિયો શેર કર્યો છે, જેમાં તેમણે તેમના જીવનની ઝલક બતાવવાનો દાવો કર્યો છે અને વીડિયોમાં નરેશ અને પવિત્રા કેક કાપીને એક બીજાને ખવડાવીને નવા વર્ષનું સ્વાગત કરતા જોવા મળે છે. વીડિયોમાંના અંતમાં એમને જણાવ્યું કે 'લગ્ન જલ્દી થઈ રહ્યા છે' આ લખતા નરેશે પવિત્રાને પણ ટેગ પણ કરી છે. આ સાથે જ વીડિયો શેર કરતી વખતે નરેશે લખ્યું, 'નવું વર્ષ. નવી શરૂઆત. આપ સૌના આશીર્વાદની જરૂર છે. આપ સૌને નવા વર્ષની શુભકામનાઓ.
નરેશ પર ભડકીની ત્રીજી પત્ની
નરેશ અને પવિત્રાનો આ વીડિયો તરત જ વાયરલ થઈ રહ્યો છે એવામાં નરેશની ત્રીજી પત્ની રામ્યા રઘુપતિએ આ વીડિયો પર ગુસ્સો જતાવ્યો છે. એક મીડિયા રિપોર્ટ અનુસાર, રામ્યાએ કહ્યું- તે આટલો નીચે કેવી રીતે પડી શકે, તે ફરી એક વખત લગ્ન કેવી રીતે કરી શકે? હું તેમને આ લગ્ન કરવા નહીં દઉં. અમે હજી છૂટાછેડા લીધા નથી. તેણે પહેલા જ ત્રણ લગ્ન કર્યા છે અને અમારે એક બાળક પણ છે.
ચપ્પલ વડે માર માર્યો હતો
જો એક મીડિયા રિપોર્ટ પર વિશ્વાસ કરવામાં આવે તો, રામ્યાએ જણાવ્યું કે નરેશે તેના પર અફેર હોવાનો આરોપ લગાવ્યો હતો. એક સમયે નરેશે રામ્યા પર દિવંગત સુપરસ્ટાર કૃષ્ણા સાથે સંબંધ હોવાનો આરોપ લગાવ્યો હતો અને અલગ થવા માટે કહ્યું હતું. આ સાથે નરેશે એક લવ લેટર પણ બતાવ્યો હતો જેને રામ્યાએ નકલી ગણાવ્યો હતો. આ સાથે જ ગયા વર્ષે જુલાઈમાં જ રામ્યાએ હોટલમાંથી બહાર નીકળતી વખતે નરેશ અને પવિત્રાને લિફ્ટમાં પકડ્યા હતા અને રામ્યાએ તેને જોતાની સાથે જ તેને ચપ્પલ વડે મારવાનું શરૂ કરી દીધું. આ વીડિયો સોશિયલ મીડિયા પર ઘણો વાયરલ થયો હતો.
