કેન્દ્રનો નવો નિયમ / ડ્રાઈવરોને ટ્રકમાં મળશે આ ખાસ સુવિધા, આરામથી ચલાવી શકશે વાહન, નીતિન ગડકરીનું મોટું એલાન

• ટ્રક ડ઼્રાઈવરો માટે મોદી સરકારે બનાવ્યો નિયમ
• 2025 સુધીમાં તમામ ટ્રકોમાં એસીવાળી ડ્રાઈવર કેબિન રાખવી પડશે
• કેન્દ્રીય મંત્રી નીતિન ગડકરીએ એલાન કર્યું 

બળબળતી ગરમીમાં ડ્રાઈવરો ટ્રક ચલાવતા હોય છે અને તેને કારણે તેમની ટ્રક ચલાવવામાં ખૂબ તકલીફ પડે છે આવી સ્થિતિને નિવારવા અને ટ્રક ડ્રાઈવરો આરામથી એસી ચલાવી શકે તે માટે મોદી સરકારે એક નિયમ ફરજિયાત બનાવ્યો છે જે 2025થી લાગુ પડી શકે છે. 

Soon, air conditioned driver cabins to be mandatory in trucks: Nitin Gadkari

Read @ANI Story | https://t.co/qsq8FAXE2E#nitingadkari #Driver #trucks #UnionMinister pic.twitter.com/iq4kzRzOGU

— ANI Digital (@ani_digital) June 20, 2023

ટ્રકો ચલાવતા લોકો સાથે સારો વ્યવહાર કરવામાં આવે

કેન્દ્રીય માર્ગ પરિવહન અને રાજમાર્ગ પ્રધાન નીતિન ગડકરીએ એલાન કરતાં કહ્યું કે ડ્રાઇવરો 2025થી AC કેબિનોમાં બેસીને ટ્રક ચલાવી શકશે. એક કાર્યક્રમને સંબોધિત કરતા નિતિન ગડકરીએ કહ્યુ, "ઓટો ઉત્પાદકોએ ટૂંક સમયમાં ટ્રકના ડ્રાઈવર કેબિનની અંદર એર કંડીશનર લગાવવા પડશે. તેમણે કહ્યું કે આજે કાર્યક્રમમાં આવતા પહેલા, મેં તે ફાઇલ પર સહી કરી છે જે ટ્રક ડ્રાઇવરના ડબ્બામાં એર કન્ડિશનિંગ ફરજિયાત કરે છે. આપણે એ સુનિશ્ચિત કરવું જોઈએ કે ટ્રકો ચલાવતા લોકો સાથે સારો વ્યવહાર કરવામાં આવે.

#JustIn | All #trucks will need to have air-conditioned driver compartments beginning 2025, says Nitin Gadkari (@nitin_gadkari), Minister for Road Transport & Highways pic.twitter.com/qXhnWyCBPU

— CNBC-TV18 (@CNBCTV18Live) June 20, 2023

હું ફાઈલ પર સહી કરી આવ્યો છું-ગડકરી 
ગડકરીએ કહ્યું કે આપણા ડ્રાઇવરો 43.47 ડિગ્રીના આકરા તાપમાં વાહન ચલાવે છે અને આપણે ડ્રાઇવરોની સ્થિતિની કલ્પના કરવી જોઈએ. હું પ્રધાન બન્યા પછી એસી કેબિન રજૂ કરવા માટે ઉત્સુક હતો. પરંતુ કેટલાક લોકોએ ટ્રકોની કિંમત વધશે તેમ કહી તેનો વિરોધ કર્યો હતો. આજે મેં એ ફાઈલ પર સહી કરી છે કે બધી જ ટ્રક કેબિન એસી કેબિન હશે. નીતિન ગડકરીએ એમ પણ કહ્યું હતું કે ભારતમાં ડ્રાઇવરોની અછત છે, જેના પરિણામે ટ્રક ડ્રાઇવરો દિવસમાં 14-16 કલાક કામ કરે છે. અન્ય દેશોમાં ટ્રકચાલક કેટલા કલાક ફરજ પર રહી શકે તેના નિયમો છે.

ટ્રક બનાવનારી કંપનીને મળ્યો 18 મહિનાનો સમય
ગડકરીએ કહ્યું કે 2025થી તમામ ટ્રકોમાં એસી કેબિન લાગુ પાડવાનો પ્લાન છે આ વાતની જાણ ટ્રક બનાવતી કંપનીઓને કરી દેવાઈ છે આ રીતે તેમની પાસે 18 મહિનાનો સમય છે.