વિવાદ / અજય દેવગણ પર બગડ્યો સોનુ નિગમ, કહ્યું હવે દેશના લોકોને વિભાજિત કરવાનું બંધ કરો

• હિન્દી ભાષા પર અજય દેવગણ અને કિચ્ચા સુદીપ વચ્ચે શરુ થયો હતો વિવાદ 
• સોનુ નિગમે આપી બંનેને સલાહ 
• હિન્દી રાષ્ટ્રભાષા નથી - સોનુ નિગમ 

હિન્દી ભાષા પર અજય દેવગણ અને કિચ્ચા સુદીપ વચ્ચે શરુ થયો હતો વિવાદ 

ગયા થોડા દિવસોથી હિન્દી ભાષા પર નોર્થ અને સાઉથ વચ્ચે ઘણો વિવાદ જોવા મળ્યો છે. ગૃહ મંત્રી અમિત શાહે એમ કહ્યું હતું કે ભારતમાં લોકોએ હિન્દીમાં જ વાતચીત કરવી જોઈએ. આ નિવેદન બાદ ઘણા સાઉથ ઇન્ડિયન એક્ટર્સે તીખી પ્રતિક્રિયા આપી છે. હાલમાં જ અજય દેવગણે કન્નડ એક્ટર કિચ્ચા સુદીપને જવાબ આપતા હિન્દીને નેશનલ ભાષા જણાવી છે. ત્યાર બાદથી આ દલીલમાં ઘણા એક્ટર્સ સામેલ થઇ ગયા છે. હવે આ મામલામાં સિંગર સોનું નિગમે પણ ઝંપલાવ્યું છે. 

શું બોલ્યા સોનું નિગમ?
સોનુ નિગમ હાલમાં જ એક ઇવેન્ટમાં સામેલ થયા હતા. ત્યાં તેમણે કહ્યું કે સંવિધાનમાં ક્યાંય નથી લખ્યું કે હિન્દી આપણી રાષ્ટ્રીય ભાષા છે. તેમણે કહ્યું કે હિન્દી કદાચ ભારતમાં સૌથી વધારે બોલાતી ભાષા છે પણ રાષ્ટ્ર ભાષા નથી. સોનુએ એમ પણ કહ્યું કે તામિલ સૌથી જૂની ભાષા છે અને મોટેભાગે દલીલો ચાલતી રહે છે કે તામિલ વધારે જૂની છે કે સંસ્કૃત, પરંતુ લોકો કહે છે કે આખી દુનિયામાં તામિલ જ સૌથી જૂની ભાષા છે. સોનુ નિગમે એ પણ કહ્યું કે દેશમાં નવી સમસ્યાઓ અને મુદ્દાઓ શરુ કરતા પહેલા દેશના અન્ય ઘણા મુદ્દાઓને નીપટાવવાની જરૂર છે. 

શું છે આ વિવાદ?
થોડા સમય પહેલા કન્નડ એક્ટર કિચ્ચા સુદીપ દ્વારા પોસ્ટ કરવામાં આવેલ એક ટ્વીટ સાઉથ અને નોર્થ ઈંડસ્ટ્રી વચ્ચે વિવાદનો એક મુદ્દો બની ગયું છે.

.@KicchaSudeep मेरे भाई,
आपके अनुसार अगर हिंदी हमारी राष्ट्रीय भाषा नहीं है तो आप अपनी मातृभाषा की फ़िल्मों को हिंदी में डब करके क्यूँ रिलीज़ करते हैं?
हिंदी हमारी मातृभाषा और राष्ट्रीय भाषा थी, है और हमेशा रहेगी।
जन गण मन ।

— Ajay Devgn (@ajaydevgn) April 27, 2022

હિન્દીને રાષ્ટ્રીય ભાષા માનવા પર કિચ્ચા સુદીપે એક ટ્વીટ કર્યું હતું, જેનાં પર બોલિવુડ અભિનેતા અજય દેવગણે સવાલો ઉઠાવ્યા હતા. ત્યાર બાદ બંને એક્ટર્સ વચ્ચે ટ્વીટર વોર શરુ થઇ ગયું. બંને એકબીજા પર ટ્વીટર દ્વારા પલટવાર કરી રહ્યા છે.