- ભક્તિ ભાવ સાથે પૂજા અર્ચના કરવાથી મનોકામના પૂર્ણ થાય છે.
- ભગવાન શંભુ તમામ કષ્ટ દૂર કરે છે.
- વ્રત દરમિયાન આ બાબતોનું રાખો ધ્યાન.
સોમવારના દિવસે ભગવાન શિવની વિશેષ પૂજા અર્ચના કરવામાં આવે છે. અનેક લોકો સોમવારે વ્રત પણ કરે છે અને તેનું આગવું મહત્ત્વ રહેલું છે. માનવામાં આવે છે કે, સોમવારે વિધિ વિધાન પૂર્વક ભગવાન શિવની પૂજા કરવામાં આવે તો તેમની કૃપા પ્રાપ્ત થાય છે. આ દિવસે ભક્તિ ભાવ સાથે પૂજા અર્ચના કરવાથી તમામ મનોકામના પૂર્ણ થાય છે. સાચા મનથી પૂજા કરવાથી ભગવાન શંભુ તમામ કષ્ટ દૂર કરે છે. આ વ્રત કરવા દરમિયાન કેટલીક ખાસ બાબતોનું ધ્યાન રાખવું જોઈએ. ભોપાલના પંડિત હિતેન્દ્ર કુમાર શર્મા જણાવ્યું છે કે, સોમવારના વ્રત દરમિયાન કઈ બાબતોનું ધ્યાન રાખવું જોઈએ.
તાંબાના વાસણમાં દૂધ રાખો- શિવલિંગ પર જે દૂધનો અભિષેક કરવાનો હોય તે દૂધ તાંબાના વાસણમાં ના હોવું જોઈએ. આ પ્રકારે કરવાથી દૂધ સંક્રમિત થઈ જાય છે, જેથી તે દૂધથી અભિષેક ના કરવો જોઈએ. આ દૂધ પીત્તળ, ચાંદી અથવા સ્ટીલના વાસણમાં હોવું જોઈએ. આ દૂધથી અભિષેક કરવાથી ભગવાન શિવ પ્રસન્ન થઈ જાય છે.
અંતમાં જળાભિષેક કરો- શિવ પૂજા દરમિયાન શિવલિંગ પર દૂધ, દહીં, મધ અથવા અન્ય વસ્તુઓ ચઢાવ્યા પછી જળ જરૂરથી અર્પણ કરવું જોઈએ. અંતમાં જળ ચઢાવવાથી જળાભિષેક પૂર્ણ માનવામાં આવે છે, જેનાથી મહાદેવ ખુશ થાય છે.
ચંદનનો તિલક કરો- ધાર્મિક શાસ્ત્રો અનુસાર શિવલિંગ પર ચંદનનો તિલક કરવો જોઈએ. રોલી અથવા સિંદૂરનો તિલક ના કરવો જોઈએ. મહાદેવને ચંદનનું તિલક પ્રિય છે.
શિવલિંગની સંપૂર્ણ પરિક્રમા ના કરો- શિવજીની પૂજા કરતા સમયે શિવલિંગની સંપૂર્ણ પરિક્રમા ક્યારેય ના કરવી જોઈએ. દૂધ નિર્ગમનો રસ્તો હોય ત્યાંથી જ પાછા વળી જવું જોઈએ. આ પ્રકારે કરવાથી ભગવાન શિવ નારાજ થતા નથી.
શિવલિંગ પાસે દીવા ના કરશો- પૂજા કરતા સમયે શિવલિંગની આસપાસ ધૂપ અથવા અગરબત્તી ના પ્રગટાવવી જોઈએ. પુરાણો અનુસાર ભગવાન શિવને શીતળ રાખવામાં આવે તેટલા જ તે પ્રસન્ન થાય છે. આ કારણોસર ભગવાન શિવથી ધૂપ અને અગરબત્તી દૂર જ રાખવા જોઈએ.
