શોકિંગ / VIDEO : સાપની સમજદારી, સુતેલી મહિલા પર પાંચ મિનિટ ફેણ ચડાવીને બેઠો, પછી ચૂપચાપ સરકી ગયો

• સોશિયલ મીડિયા પર વાયરલ થયો રુવાંડા ઊભા કરે  મૂકે તેવો વીડિયો
• ખેતરમાં ખાટલા પર આરામ કરી રહેલી મહિલાની પીઠ પર ચડી બેઠો કોબરો
• 5 મિનિટ ફેણ ફેલાવીને ડોલતો રહ્યો
• આખરે મહિલાને કશુંય કર્યા વગર જતો રહ્યો

સોશિયલ મીડિયાની દુનિયામાં જાતજાતના વીડિયો વાયરલ થતા હોય છે અને તેમાં કેટલાક રુવાંડા ઊભા કરી મૂકે તેવા હોય છે. ઝેરી ગણાતા અને ડરના માર્યા લોકો જેના રસ્તામાં પણ આડા ઉતરતા નથી તેવા કોબરા (સાપ) એ એક મહિલા સાથે અજાણતા એવું કામ કરી નાખ્યું કે મહિલાનો જીવ પડીકે બંધાઈ ગયો હતો. 

When this happens, what would be your reaction??

For information, the snake moved away after few minutes without out causing any harm…
(As received from a colleague) pic.twitter.com/N9OHY3AFqA

— Susanta Nanda IFS (@susantananda3) August 28, 2022

શું છે વાયરલ વીડિયોમાં
ઈન્ડીયન ફોરેસ્ટ સર્વિસના ઓફિસર સુશાંત નંદાએ આ વીડિયો શેર કર્યો છે. વીડિયોમાં જોવા મળતા પ્રમાણે, એક મહિલા ખાટ પર પીઠ સામે દેખાય તેવી રીતે સુતી છે. મહિલા ઊંઘમાં હતી આ દરમિયાન તેની પર એક મોટો કોબરા આવીને બેસી ગયો હતો, મહિલાની પીઠ પર બેઠા બાદ કોબરાએ ફેણ ચડાવી હતી. મહિલા તો ઊંઘમાં હતી પરંતુ જેવી તેને ખબર પડી કે તેની પીઠ પર સાપ આવીને બેઠો છે ત્યારે તે મદદ માટે ચીસો પાડી ઉઠી હતી પરંતુ ત્યાં કોઈ હાજર ન હોવાથી તેની મદદે કોઈ આવ્યું નહોતું. લગભગ 5 મિનિટ સુધી સાપ તેની પીઠ પર બેસી રહ્યો હતો અને આ દરમિયાન મહિલાની શું હાલત થઈ હશે તે સમજવી શકાય તેવી વાત છે. 

5 મિનિટ મહિલાની પીઠ પર બેસીને ચુપચાપ જતો રહ્યો સાપ 
આખરે 5 મિનિટ સુધી મહિલાની પીઠ પર બેસી રહ્યાં બાદ કોબરા તેને કંઈ પણ કર્યા વગર શાંતિથી સરકી ગયો હતો ત્યારે મહિલાએ રાહતનો શ્વાસ લીધો હતો પરંતુ આ 5 મિનિટ તેને વર્ષો જેવી લાગી હતી. સાપના ગયા બાદ પણ મહિલા ગભરાયેલી હાલતમાં ભાગી હતી.