- નવા ફોનનો ઉપયોગ કરતા પહેલા તેને સંપૂર્ણપણે ચાર્જ કરવો જરૂરી છે?
- સ્માર્ટફોનમાં એડવાન્સ ટેક્નોલોજીની મદદથી બેટરી ફુલ ચાર્જ થયા બાદ ચાર્જિંગ આપોઆપ બંધ થઈ જાય છે
- ફોન ચાર્જમાં હોય ત્યારે ઉપયોગ કરવાથી ચાર્જ થવામાં વધુ સમય લાગે છે
Smartphone Battery Myths:સ્માર્ટફોનની બેટરી દરેક યૂઝર માટે મહત્વપૂર્ણ છે. આ જ કારણ છે કે દરેક યુઝર સ્માર્ટફોનની બેટરીની ખાસ કાળજી માટે દરેક પ્રકારની વસ્તુઓને ફોલો કરે છે. જો કે, ઘણી વખત યુઝર સ્માર્ટફોનની બેટરી સાથે જોડાયેલી આવી ટિપ્સ ફોલો કરતા હોય છે, જેને વાસ્તવિકતા સાથે કોઈ લેવાદેવા હોતી નથી. એટલે કે બેટરી સાથે જોડાયેલી કેટલીક બાબતો માત્રને માત્ર મિથ્સ છે. આવો આજેસ્માર્ટફોનની બેટરી સાથે જોડાયેલી કેટલીક મહત્વપૂર્ણ બાબતો વિશે જાણીએ....
સ્માર્ટફોનની બેટરી રાતભર ચાર્જ કરવી
દિવસ દરમિયાન સ્માર્ટફોનને ચાર્જ કરવું થોડું મુશ્કેલ છે કારણ કે યુઝરને દિવસના મોટાભાગના સમય માટે ફોનની જરૂર હોય છે. આવા માં દરેક યુઝર રાત્રે સૂતી વખતે ફોનને ચાર્જિંગમાં મૂકે છે. જો કે, આમાંના ઘણા યુઝર્સ તેને બેટરી માટે જોખમી માને છે, જ્યારે તે એક મિથ ભરેલી વાત છે. સ્માર્ટફોનમાં એડવાન્સ ટેક્નોલોજીની મદદથી બેટરી ફુલ ચાર્જ થયા બાદ ચાર્જિંગ આપોઆપ બંધ થઈ જાય છે.
પબ્લિક ચાર્જિંગ પોર્ટનો ઉપયોગ
ઘણા યુઝર્સ પબ્લિક ચાર્જિંગ પોર્ટનો સંપૂર્ણ લાભ લે છે અને તેને એક મોટી સુવિધા ગણે છે. મુસાફરી દરમિયાન અથવા કેફેમાં આ પ્રકારની સુવિધાનો ઉપયોગ બિલકુલ સલામત ગણી શકાય નહીં. આ સુવિધા તો છે, પરંતુ તમારી અંગત અને બેંકિંગ માહિતી મોટા જોખમમાં હોઈ શકે છે, કારણ કે હેકર્સ આજકાલ યુઝર્સને એડવાન્સ રીતે ટાર્ગેટ કરે છે.
નવા ફોનનો ઉપયોગ કરતા પહેલા ચાર્જ કરો
ઘણા યૂઝર્સ માને છે કે નવા ફોનનો ઉપયોગ કરતા પહેલા તેને સંપૂર્ણપણે ચાર્જ કરવો જરૂરી છે. જો કે, આ પણ માત્ર એક મિથ છે. જાણકારો કહે છે કે તમારા હાથમાં નવો ફોન આવે ત્યાં સુધીમાં ટેસ્ટિંગ અને મેન્યુફેક્ચરિંગની પ્રક્રિયામાં બેટરી અડધાથી વધુ ડ્રેન થઈ ગઈ હોય છે.
બેટરીને ચાર્જ કરવાનો સાચો સમય
ઘણા યૂઝર્સ માને છે કે એકવાર ફોનની બેટરી ફુલ ચાર્જ થઈ જાય પછી તે 0 હોય ત્યારે જ તેને ફરીથી ચાર્જ કરવી જોઈએ. જો કે, આ પણ એક મિથ છે. એક્સપર્ટ્સનું કહેવું છે કે ફોનની બેટરી ચાર્જ કરવા માટે તેને 20 ટકા સુધી ડાઉન કર્યા પછી જ ચાર્જ કરવી જોઈએ. આ સાથે, બેટરીને સંપૂર્ણ ચાર્જ કરવાને બદલે તેને 80 ટકા સુધી ચાર્જ કરવાનું યોગ્ય માનવામાં આવે છે.
કોઇ એપના ઉપયોગથી બેટરીને અસર
યુઝર્સનું માનવું છે કે મલ્ટીપલ એપ્સનો ઉપયોગ બેટરી ખતમ થવાનું કારણ છે. જો કે, આ પણ માત્ર એક મિથ છે. કેટલીકવાર એક જ એપનો ઉપયોગ કરવાથી તમારી બેટરી લાઇફ પર અસર થાય છે. ઉદાહરણ તરીકે, એચડી ક્વોલિટીમાં યુટ્યુબ પર વિડિયો જોવાથી મિનિટોમાં બેટરી ડાઉન થઈ શકે છે. આ સ્થિતિમાં 5500 mAh બેટરી પણ ફેલ થઈ શકે છે.
ચાર્જિંગ દરમિયાન ડિવાઇસનો ઉપયોગ
ઘણા યૂઝર્સના મનમાં એવી વાત આવે છે કે જો ફોન ચાર્જિંગ દરમિયાન વાપરવામાં આવે તો બેટરી ફાટી શકે છે. બીજી તરફ, નિષ્ણાતો તેને માત્ર એક મિથ માને છે. જ્યારે બેટરી ચાર્જ થઈ રહી હોય ત્યારે ઉપકરણનો ઉપયોગ કરવામાં કંઈ ખોટું નથી. પરંતુ હા આમ કરવાથી ઉપકરણને ચાર્જ થવામાં સામાન્ય કરતાં વધુ સમય લાગી શકે છે.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.
