- હિંસાગ્રસ્ત સુદાનની સ્થિતિ ગંભીર
- ભારતીય નાગરિકોને સુરક્ષિત બહાર કાઢવા માટે સરકારનું મિશન
- બે C-130J લશ્કરી વિમાનને જેદ્દાહમાં સ્ટેન્ડબાય રખાયા
હિંસાગ્રસ્ત સુદાનની ગંભીર સ્થિતિ વચ્ચે અનેક ભારતીયો અટવાયા છે. જેમાં ફસાયેલા ભારતીય નાગરિકોને સુરક્ષિત બહાર કાઢવા માટે સરકાર દ્વારા બે C-130J લશ્કરી વિમાનને જેદ્દાહમાં સ્ટેન્ડબાય રખાયા છે.ઉપરાંત નેવીનું એક એક જહાજ પણ પ્રદેશના મુખ્ય બંદરે પહોંચી ચૂક્યું છે. આ મામલે સત્તાવાર વિગતો આપતા વિદેશ મંત્રાલયે જણાવ્યું કે ભારતીયોને ઉગારવા માંટે તમામ પ્રકારની ઇમરજન્સી સેવા, યોજનાઓ તૈયાર રાખવામાં આવી છે. મંત્રાલયના જણાવ્યા અનુસાર સુદાનની રાજધાની ખાર્તુમમાં અનેક સ્થળોએ ભારે હિંસાના અહેવાલો મળી રહ્યા છે.પરિણામે સુરક્ષાની સ્થિતિ ચિંતાજનક બની ગઈ છે.
સતત સંપર્કમા હોવાનો દાવો
વિદેશ મંત્રાલયના જણાવાય અનુસાર ભારત સુદાનમાં ફસાયેલા દેશવાસીઓને ઉગારવા માટે તમામ પ્રયાસો કરી રહ્યું છે. અને આ કપરી સ્થિતિમાં વિદેશ મંત્રાલયની સતત નજર હોવાનું પણ જાણવા મળી રહ્યું છે. ફસાયેલા અને સુદાન છુડવા માંગતા લોકો માટે નજીકથી પ્રત્યાયન કરવામાં આવી રહ્યું છે. વિદેશ મંત્રાલય અને સુદાનમાં ભારતીય દૂતાવાસ સુદાનના અધિકારીઓ સાથે સંપર્કમા હોવાનો પણ દાવો છે.
C-130J એરક્રાફટ અને હાલમાં જેદ્દાહમાં ટેક ઓફ કરવા માટે તૈયાર
જેમાં સંયુક્ત રાષ્ટ્ર, સાઉદી અરેબિયા, સંયુક્ત આરબ અમીરાત, ઇજિપ્ત અને યુએસનો પણ મદદે આવ્યાનો સમાવેશ કરવામાં આવે છે. આ તૈયારીઓના ભાગરૂપે અટવાયેલા લોકોને બચાવવા માટે મિશનને ઝડપથી પૂર્ણ કરવા માટે ઘણા વિકલ્પો પર કામગીરીનો ધમધમાટ ચાલી રહ્યો છે. હાલ ભારતીય વાયુસેનાના બે C-130J એરક્રાફટ અને હાલમાં જેદ્દાહમાં ટેક ઓફ કરવા માટે તૈયાર છે અને INS સુમેધા પોર્ટ સુદાન પહોંચી ચૂક્યું છે.
