એક્શન / સિદ્ધુ મૂસેવાલાના પરિવારની મુશ્કેલીમાં વધારો, માતાને સ્વાસ્થ્ય મંત્રાલયે ફટકારી નોટિસ, માંગ્યો રિપોર્ટ

પંજાબના પ્રખ્યાત દિવંગત ગાયક સિદ્ધુ મૂસેવાલાની માતા ચરણ કૌરે તાજેતરમાં જ એક પુત્રને જન્મ આપ્યો છે. પુત્રના મૃત્યુ પછી, મૂસેવાલાની માતાએ ગર્ભાવસ્થા માટે IVF તકનીકનો આશરો લીધો હતો. જાણીતું છે કે ચરણ કૌર 58 વર્ષની છે. હવે સિનિયર સિટીઝન કરતાં બે વર્ષ ઓછી ઉંમરમાં માતા બનવાને લઈને એક નવી સમસ્યા સામે આવી છે. આ સંદર્ભે, બુધવારે સ્વાસ્થ્ય મંત્રાલયે સિદ્ધુ મૂસેવાલાની માતા અને પંજાબ સરકાર પાસેથી IVF સારવાર અંગે રિપોર્ટ માંગ્યો છે.

A letter issued by the central government asking the Punjab government for a report according to the law on newborn babies with IVF technology in connection with IVF treatment of #SidhuMooseWala's mother. pic.twitter.com/3ma6vRqCoo

— Parteek Singh Mahal (@parteekmahal) March 20, 2024

આરોગ્ય અને પરિવાર કલ્યાણ મંત્રાલયે સિંગરની માતા ચરણ કૌર અને પંજાબ સરકાર પાસેથી IVF સારવાર અંગે રિપોર્ટ માંગ્યો છે. નોટિસમાં લખવામાં આવ્યું છે કે, 'આસિસ્ટેડ રિપ્રોડક્ટિવ ટેક્નોલોજી (રેગ્યુલેશન) એક્ટ 2021ની કલમ 21(g)(i) હેઠળ, ART સેવાઓ દ્વારા માતા બનતી મહિલાઓની નિર્ધારિત ઉંમર 21-50 વર્ષની વચ્ચે નક્કી કરવામાં આવી છે.' રિપોર્ટ્સ અનુસાર ચરણ કૌરે 58 વર્ષની ઉંમરે IVF દ્વારા પુત્રને જન્મ આપ્યો છે. નોટિસમાં એમ પણ કહેવામાં આવ્યું છે કે પંજાબ સરકાર આ અંગે પોતાનો જવાબ મંત્રાલયને મોકલે.

Congratulations 🎉 Sidhu Family ♥️ Happiness 😊#SidhuMooseWalapic.twitter.com/txhE9JZc7u

— Ashish Singh (@AshishSinghKiJi) March 17, 2024

ઉલ્લેખનીય છે કે આ પહેલા સિંગરના પિતા બલકૌર સિંહે એક વીડિયો જાહેર કરીને પંજાબ સરકાર પર અનેક આરોપો લગાવ્યા હતા. તેણે કહ્યું હતું કે તેના બાળકના જન્મથી જ સરકાર તેને હેરાન કરી રહી છે. તેમને બાળક કાયદેસર હોવાનું સાબિત કરવા માટે કહેવામાં આવી રહ્યું છે. તેણે કહ્યું કે કૃપા કરીને મને બાળકની સારવાર પૂર્ણ કરવાની મંજૂરી આપો. હું અહીં પંજાબમાં રહું છું. તમને ખાતરી આપું છું કે હું તમામ કાયદાકીય દસ્તાવેજો બતાવીશ.'

વધુ વાંચો: મોંઘીદાટ ગાડીઓ, દુબઇનો ફ્લેટ..., આખરે શું છે એલ્વિશ યાદવની લક્ઝ્યુરિયસ લાઇફસ્ટાઇલની સચ્ચાઇ, પિતાએ જ કર્યો ધડાકો

જણાવી દઈએ કે જે મહિલાઓ કુદરતી રીતે માતા નથી બની શકતી તેઓ IVFની મદદ લે છે. જો કે આઈવીએફની મદદથી કોઈ પણ વ્યક્તિ 60, 70, 80 વર્ષની ઉંમરે માતા બની શકે છે, પરંતુ ભારતના નિયમો અનુસાર અહીંની મહિલાઓ 50 વર્ષની ઉંમર સુધી આઈવીએફ ટ્રીટમેન્ટની મદદથી માતા બની શકે છે. જ્યારે પુરૂષો IVFની મદદથી 55 વર્ષની ઉંમર સુધી પિતા બની શકે છે. ભારતમાં વર્ષ 2021માં પસાર થયેલા કાયદા ‘આસિસ્ટેડ રિપ્રોડક્ટિવ ટેક્નોલોજી (રેગ્યુલેશન) એક્ટ, 2021’ અનુસાર, ભારતમાં મહિલાઓ 50 વર્ષની ઉંમર સુધી IVFની મદદ લઈ શકે છે.

જાણીતું છે કે મૂસેવાલાની માતા 58 વર્ષની ઉંમરે IVFની મદદથી માતા બની હતી. જોકે, તેણે ભારતમાંથી નહીં પરંતુ વિદેશથી IVF ટ્રીટમેન્ટ લીધી, જેના કારણે તેને ત્યાં પરવાનગી મળી હતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો