લોકસભા ચૂંટણી / અશ્લિલ વીડિયો વાયરલ થતાં દેશ છોડીને ભાગ્યાં સાંસદ, હવે જીતવું ભારે, રાજનીતિમાં ખળભળાટ

લોકસભાના ત્રીજા તબક્કાના મતદાન પહેલાં કર્ણાટકના સાંસદ અને પૂર્વ પીએમ એચડી દેવગૌડાના પૌત્ર રેવન્નાનો કથિત અશ્લિલ વીડિયો વાયરલ થતાં રાજનીતિમાં ખળભળાટ મચ્યો છે. તેમનો આ વીડિયો સોશિયલ મીડિયામાં વાયરલ થયો હતો. કર્ણાટકના હસનના સાંસદ રેવન્નાએ આ વીડિયોને ફેક ગણાવીને પોલીસમાં ફરિયાદ દાખલ કરી છે.

વધુ વાંચો : 3000 વર્ષની કબરમાં એવું ગોઠવ્યું કે ખોદવાં જાય તે મરી જાય, ખોદતાં 20 લોકો-કૂતરો મર્યાં

શું છે વીડિયોમાં

વીડિયોમાં પ્રજવલ રેવન્ના કોઈ મહિલા સાથે વાંધાજનક હાલતમાં જોવા મળી રહ્યાં છે જોકે તેમણે વીડિયો ફેક અને મોર્ફેન હોવાનો દાવો કર્યો છે.

કર્ણાટક સરકારે તપાસ ટીમ બનાવી

કર્ણાટકના મુખ્ય પ્રધાન સિદ્ધારમૈયાએ કૌભાંડની તપાસ માટે વિશેષ તપાસ ટીમને બોલાવ્યાના એક દિવસ બાદ તેમણે એફઆઈઆર દાખલ કરી હતી. સરકારે પ્રજ્વલ રેવન્નાના અશ્લીલ વિડિયો કેસના સંબંધમાં વિશેષ તપાસ ટીમ બનાવવાનો નિર્ણય કર્યો છે. હાસન જિલ્લામાં અશ્લીલ વિડિયો ક્લિપ્સ ફરતી થઈ રહી છે, જ્યાં એવું લાગે છે કે મહિલાઓનું યૌન શોષણ થયું છે, એમ મુખ્ય પ્રધાને જણાવ્યું હતું.

રેવન્ના જર્મની ગયાં

અહીંયા સેક્સ વીડિયો વાયરલ થઈ રહ્યો છે અને આવી સ્થિતિમાં રેવન્ના જર્મનીના પ્રવાસે ઉપડી ગયાં છે પરંતુ રાજનીતિમાં ભારે ચકચાર મચી છે. ઉલ્લેખનીય છે કે જેડીએસે ગયા વર્ષે સપ્ટેમ્બરમાં કોંગ્રેસ સાથે સંબંધો તોડીને ભાજપ સાથે ગઠબંધન કર્યું હતું.