આડઅસર / સાવધાન! પાતળા થવાના ચક્કરમાં જોજો ન પડી જાય લેવાના દેવા, થઈ શકે છે ગંભીર બિમારીઓ

• ગ્રીન ટીનું વધુ સેવન કરતા હોય તો કરી દેજો બંધ
• ગ્રીન ટી પીવાથી ઘણી બિમારીઓથી તમે ઘેરાશો
• ગ્રીન ટી પીવાથી તમારા શરીરમાં પણ થશે અનેક ફેરફાર

વધુ ગ્રીન ટી પીવાથી થશે અનિંદ્રાની સમસ્યા 

જેમાં માથુ દુ:ખવુ, સુસ્તી, ચિંતા અને ચીડાવુ સામેલ છે. તો ચાલો વિસ્તારપૂર્વક જાણીએ કે આ સિવાય ગ્રીન ટી પીવાથી કયા પ્રકારના નુકસાન થઇ શકે છે. માનવામાં આવે છે કે ગ્રીન ટીનું વધુ સેવન કરવાથી તમને ઓછી ઉંઘ આવવાની મુશ્કેલી ઉભી થઇ શકે છે. બધા જાણે છે કે એક ફિટ બોડી અને હેલ્ધી આરોગ્ય માટે સારી અને ભરપૂર ઉંઘ લેવી ખૂબ જરૂરી હોય છે. તેથી ગ્રીન ટીનું સેવન યોગ્ય માત્રામાં કરવુ જોઈએ.

વધી શકે છે બ્લડ પ્રેશર

બ્લડ પ્રેશરની સમસ્યા પણ વધુ ગ્રીન ટી પીવાથી વધી શકે છે. માનવામાં આવે છે કે ગ્રીન ટીમાં રહેલા કેફીન તમારી નર્વસ સિસ્ટમને પ્રોએક્ટિવ કરવાનુ કામ કરે છે. જેના વધુ સેવનથી ઘણી સમસ્યાનો સામનો કરવો પડી શકે છે. જેનાથી તમને હાઈ બ્લડ પ્રેશરની સમસ્યા પણ થઇ શકે છે.

થઈ શકે આયરનની કમી

આ ઉપરાંત તમે વધુ માત્રામાં ગ્રીન-ટીનું સેવન કરો છો તો તમારા શરીરમાં આયરનની કમી આવી શકે છે. આ સિવાય તમને ભૂખ ના લાગવી તેવી સમસ્યા પણ સર્જાઈ શકે છે, જેને પગલે તમારું શરીર નબળુ પડી શકે છે. એવામાં તમે ઘણી બિમારીઓને આમંત્રણ આપી શકો છો.