શિક્ષણને વેપાર સમજતી ખાનગી સ્કૂલોની મનમાની અવાર-નવાર સામે આવતી રહે છે. તેવામાં હવે અમદાવાદની જાણીતી ઉદગમ સ્કૂલ ફરી વિવાદમાં સામે આવી છે. કારણ કે, RTEના વિદ્યાર્થીઓના પ્રથમ પરીક્ષાના પરિણામો જ સ્કૂલે અટકાવી દીધાં છે. ત્યારે કેમ RTEના વિદ્યાર્થીઓ સાથે થઈ રહ્યો છે ભેદભાવ. અને કેમ અટકાવાયા તેમના પરિણામ.
Share
અમદાવાદની ઉદગમ સ્કૂલને નોટિસ
DEOએ સ્કૂલને શો કોઝ નોટિસ ફટકારી
RTEના 143 વિદ્યાર્થીઓના અટકાવ્યા પરિણામ
અમદાવાદના થલતેજમાં આવેલી ઉદગમ સ્કૂલને શિક્ષણાધિકારીએ નોટિસ ફટકારી છે. કારણ કે, દર વખતે પોતાની મનમાની ચલાવતી ઉદગમ સ્કૂલો RTEના 143 વિદ્યાર્થીઓના પરિણામ અટકાવ્યા છે. જે અંગે ડીઈઓને રજૂઆત કરાઈ હતી. જે બાદ આ મામલે ડીઈઓ કચેરી દ્વારા સ્કૂલને નોટિસ ફટકારવામાં આવી છે. અને સરકારની સૂચનાનું પાલન નહીં કરાય તો વિદ્યાર્થી દીઠ 10 હજાર રૂપિયા દંડ કેમ ન કરવો તે અંગે ખુલાસો માગવામાં આવ્યો છે.
આર.એમ.ચૌધરી (અમદાવાદ જીલ્લા શિક્ષણાધિકારી)
RTEના 143 વિદ્યાર્થીઓના અટકાવ્યા પરિણામ
ઉદગમ સ્કૂલ ફોર ચિલ્ડ્રન્સમાં પ્રાથમિક વિભાગનાં ધોરણોમાં આરટીઈ હેઠળ 143 વિદ્યાર્થીએ પ્રવેશ લીધો છે. આ પ્રવેશ લેતી વખતે વિદ્યાર્થીઓના વાલીઓએ આવકની વિગતો દર્શાવવામાં ફ્રોડ કર્યું હોવાની સ્કૂલ મેનેજમેન્ટે શહેર ડીઈઓ કચેરીએ લેખિતમાં રજૂઆત કરી હતી, જેના પગલે આ પ્રવેશ બાબતે શહેર ડીઈઓ કચેરીએ હીયરિંગ હાથ ધર્યું છે. હજી આ બાબતે નક્કર નિર્ણય લેવાનો બાકી છે. આવી પરિસ્થિતિમાં ઉદગમ સ્કૂલના મેનેજમેન્ટે આરટીઈ હેઠળ પ્રવેશ લેનારા 143 વિદ્યાર્થીની પરીક્ષાનાં પરિણામ રોકી દેતા વાલીઓ અને એનએસયુઆઈએ શહેર ડીઈઓને રજૂઆત કરી હતી.
શું પગલા ભરવામાં આવશે તે આગામી સમયમાં ખબર પડશે
મહત્વનું છે કે, શિક્ષણ અને પરિણામ મેળવવું તે વિદ્યાર્થીનો બંધારણીય અધિકાર છે. તેથી આરટીઈના વિદ્યાર્થીઓનું પરિણામ કોઈ પણ કાળે રોકી શકાય નહિ. તેવામાં હવે આ મામલે શું પગલા ભરવામાં આવશે. તે તો આગામી સમયમાં જ ખબર પડશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
