હેલ્થ / લંચ અને ડિનર કર્યા બાદ તરત જ આ કામ ન કરતા, સ્વાસ્થ્યને થઈ શકે નુકસાન

ગરમી કાળો કહેર વર્તાવી રહી છે. ઠેર ઠેર ઠંડાપીણા અને બરફગોળાની લાઇનો જોવા મળી રહી છે. સ્થિતિ એવી છે કે ઘરની બહાર પણ નીકળવું મુશ્કેલ બન્યુ છે. આવી સ્થિતિમાં ખોરાકમાં ખાસ ધ્યાન આપવાની જરુર છે.

જો ભોજનથી જોડાયેલી થોડી પણ ભૂલ થઈ જાય તો તે પેટના સ્વાસ્થ્ય પર ભારે અસર કરે છે. આ ભૂલો માત્ર પેટ પર જ નહીં વજન પર પણ અસર કરે છે. અપચો, પેટ ફૂલવું, એસિડિટી, પેટમાં દુખાવો, ઉબકા, ગેસ બનવો અથવા પેટ વધવું જેવી કેટલીક સમસ્યાઓ છે જે ખોરાક સાથે સંબંધિત છે અને ખાવાની ભૂલોને કારણે વધે છે. આવી સ્થિતિમાં ખોરાક ખાધા પછી તરત જ ક્યાં કામો ન કરવા જોઈએ.. એ જાણો

વધુ પડતુ પાણી પીવુ

જો તમે એવા લોકોમાંથી છો કે જેઓ ખોરાક ખાધા પછી જરૂરિયાત કરતા વધુ પાણી પીવે છે, તો તમે ભૂલ કરી રહ્યા છો. ખોરાક ખાધા પછી તરત જ પુષ્કળ પાણી પીવાથી પાચન પ્રક્રિયામાં વિક્ષેપ પડે છે અને પાચન તંત્ર માટે ખોરાકને તોડવામાં અથવા પેટના એસિડને પાતળું કરવું મુશ્કેલ બને છે. તેથી, ખોરાક ખાધા પછી હાઇડ્રેશન માટે જરૂરી હોય તેટલું પાણી પીવો. ખોરાક ખાધાના અડધા કલાક પછી વધુ પાણી પી શકાય છે.

તરત જ ફરવા ન જાવ

જમ્યા પછી તરત જ ફરવા ન જાવ, તેના બદલે વજ્રાસનમાં બેસો. તમારા મગજને અન્ય સ્નાયુઓ પર ધ્યાન કેન્દ્રિત કર્યા વિના તમારા પાચનને કામ કરવા માટે થોડો સમય આપો. જો કે, બ્લડ સુગર કંટ્રોલ કરવા માટે સમયાંતરે ચાલો.

જમ્યા પછી સ્નાન ન કરો

સવારનો નાસ્તો હોય કે રાત્રિભોજન, તમારે જમ્યા પછી તરત જ સ્નાન ન કરવું જોઈએ. આમ કરવાથી તમે કબજિયાત થઇ શકે છે. હકીકતમાં સ્નાન કર્યા પછી, શરીરનું તાપમાન વધે છે, જેના કારણે ખોરાક યોગ્ય રીતે પચતું નથી.

વધુ વાંચો: એક દિવસમાં કેટલી ખાંડ ખાવી જોઈએ? જો માપ કરતા વધારે આરોગશો તો મર્યા સમજો

જમ્યા પછી તરત જ સૂવું

મોટાભાગના લોકોને જમ્યા પછી સૂઇ જવાની ટેવ હોય છે. ખાધુ હોય એટલે ઉંઘ આવે તે વાત સાચી પરંતુ જમ્યા બાદ જો તમે સૂઇ જાઓ તો પાચન થતુ નથી. પાચનતંત્ર પર તેની ખાસ અસર જોવા મળે છે. જમ્યા પછી તરત જ તમારે 10-15 મિનિટ ચાલવું જોઈએ.