નવો નિયમ / દુકાનદારો હવે ગ્રાહકો પાસે મોબાઈલ નંબર નહીં માગી શકે, સરકારે બહાર પાડી એડવાઈઝરી

• ગ્રાહક મંત્રાલયે એડવાઈઝરી જાહેર કરી
• દુકાનદાર કે મૉલમાં ગ્રાહકની પર્સનલ ડિટેલ માંગવા પર પ્રતિબંધ
• ગ્રાહકોને મોબાઈલ નંબર આપવા માટે ફોર્સ કરી શકાશે નહીં

ગ્રાહક મંત્રાલયે એક એડવાઈઝરી જાહેર કરી છે જેમાં આદેશો આપવામાં આવ્યાં છે કે હવેથી કોઈપણ દુકાનદાર કે મૉલનો કર્મચારી ગ્રાહક પાસેથી તેમનો મોબાઈલ નંબર આપવા માટે ફોર્સ નહીં કરી શકે. અને જો કોઈ આવું કરે છે તો કંઝ્યૂમર પ્રોટેક્શન એક્ટ અંતર્ગત આ એક ખોટી ટ્રેડ પ્રેક્ટિસ મનાશે.

સતત વધી રહેલી ફરિયાદને ધ્યાનમાં લેતા લેવાયો નિર્ણય
તમે મૉલ કે દુકાનમાં જ્યારે ખરીદી કરવા જાઓ છો ત્યારે પેમેન્ટ કરવાથી પહેલા કર્મચારી તમારી પાસેથી તમારી ડિટેલ્સ માંગે છે જેમ કે તમારો મોબાઈલ નંબર! સતત વધી રહેલી ફરિયાદોને ધ્યાનમાં લેતાં સરકારે ગ્રાહકોનાં હિતમાં આ નિર્ણય કર્યો છે. જેમાં કોઈપણ ગ્રાહક, દુકાનદાર કે મૉલનાં કર્મચારીને પોતાનો નંબર જણાવવા માટે બંધાયેલ નથી.આ મુદા માટે રિટેલ ઈંડસ્ટ્રી, CII, FICCI અને ASSOCHAMને એડવાઈઝરી આપવામાં આવી છે. 

પર્સનલ ડિટેલ કે નંબર આપવા ગ્રાહક બાધ્ય નથી
આ જગ્યાઓ પર નંબર આપ્યાં બાદ ફોન પર અજાણ્યાં સ્પેમ કૉલ્સ અને મેસેજ આવવા લાગે છે. ઘણી વખત એ બ્રાન્ડને લગતી ઓફરોનાં પણ મેસેજ આપમેળે આવવા લાગે છે. આ ફરિયાદનાં સમાધાન માટે સરકારે એડવાઈઝરી જાહેર કરી છે જેના અંતર્ગત કોઈપણ દુકાનદાર કે મૉલના કર્મચારી કે વિક્રેતા, ગ્રાહકો પાસેથી તેમની પર્સનલ ડિટેલ કે નંબર લેવા માટે દબાણ કરવું નહીં.