મોટા સમાચાર / સોમાલિયામાં જહાજ હાઈજેક, 15 ઈન્ડિયન્સ પણ સવાર; ભારતે તાબડતોબ મોકલ્યું યુદ્ધજહાજ; બીજી તરફ લાલસાગરમાં ડ્રોન ઍટેક

• સોમાલિયાના તટ પરથી જહાજ હાઈજેક થવાના સમાચાર આવ્યા. 
• આ જહાજ પર 15 ભારતીય લોકો સવાર હતા.
• બીજી તરફ અમેરિકાની ચેતવણીની હૂતી વિદ્રોહીઓ પર કોઈ અસર નહીં 

આફ્રિકન દેશ સોમાલિયાના તટ પરથી એક જહાજ માલવાહક હાઈજેક થવાના સમાચાર સામે આવ્યા છે. સાથે જ માહિતી મળી રહી છે કે આ જહાજ પર 15 ભારતીય લોકો સવાર હતા. આ હાઈજેકને સૂચના મળ્યા બાદથી ભારતીય નૌસેના એક્શન મોડમાં આવી ગઈ છે અને નૌસેનાએ આ વિશે એક અપડેટ પણ જારી કર્યું છે. 

BIG BREAKING | સોમાલિયાના તટથી હાઈજેક થયું માલવાહક જહાજ: જહાજ પર લાઇબેરિયાનો ધ્વજ છે, તથા તેના પર 15 ભારતીયો પણ છે સવાર, ઘટનાની જાણ થતાં જ એક્શનમાં આવી ભારતીય નૌસેના, ભારતીય યુદ્ધ જહાજ INS Chennai રવાના#somalia #india #Indian #INS #chennai #VTVGujarati pic.twitter.com/6vo40uDBKl

— VTV Gujarati News and Beyond (@VtvGujarati) January 5, 2024

ભારતીય નૌકાદળને ગઈકાલે સાંજે જહાજના હાઈજેકની માહિતી મળી હતી. રિપોર્ટ અનુસાર આ જહાજ લાઈબેરિયાનો ધ્વજ લહેરાય રહ્યો છે અને તેનું નામ 'એમવી લીલા નોરફોક' છે. જહાજ પર 15 ભારતીય ક્રૂ મેમ્બર છે.

તો બીજી તરફ અમેરિકાની ચેતવણીની હૂતી વિદ્રોહીઓ પર કોઈ અસર થઈ નથી. અમેરિકી નૌસેનાએ જણાવ્યું હતું કે વિસ્ફોટકોથી ભરેલું માનવરહિત સપાટી પર ડ્રોન (Unmanned Surface Drone) વડે ગુરુવારે એક જહાજ પર હુમલો કર્યો. પરંતુ તેનાથી કોઈ નુકસાન કે જાનહાનિ થઈ નથી. યમન સ્થિત ખતરનાક હૂતી જૂથને રોકવા માટે આંતરરાષ્ટ્રીય સ્તરે ઘણા પ્રયત્નો કરવામાં આવી રહ્યા છે, પરંતુ તેની કોઈ અસર થતી દેખાતી નથી.

વધુ વાંચો: અમેરિકામાં ફરી હિન્દુ મંદિર ખાલિસ્તાનીઓના ટાર્ગેટ પર, લખ્યા PM મોદી વિરૂદ્ધ નારા, 14 જ દિવસમાં આ બીજી ઘટના

તાજેતરના સમયમાં પહેલીવાર એવું બન્યું છે કે હૂતીઓએ હુમલામાં યુએસવીનો ઉપયોગ કર્યો હોય. એક્સપર્ટ અનુસાર "યુએસવીનો ઉપયોગ સાઉદી ગઠબંધન દળો સામે અગાઉની લડાઇ દરમિયાન કરવામાં આવ્યો હતો. તેનો ઉપયોગ આત્મઘાતી ડ્રોન બોટ તરીકે થાય છે, જેમાં ટક્કર પછી વિસ્ફોટ થાય છે."