ચર્ચાસ્પદ / સેક્સ વર્કર બની સીરિયલ કિલર, આ રીતે લેતી હતી ગ્રાહકોના જીવ, જાણીને દિમાગ કામ નહીં કરે

• એલીન વુર્નોસનું નામ નેટફ્લિક્સ પર આવેલી ફિલ્મોના કારણે ચર્ચામાં આવ્યું
• એલીનને 7 લોકોની હત્યાના કેસમાં કોર્ટ દ્વારા મૃત્યુદંડની સજા સંભળાવાઈ
• એલીનને 2002માં ઝેરનું ઈન્જેક્શન લગાવી દેવામાં આવ્યું

શાળા છોડી દીધી અને બાદમાં એલીન સેક્સ વર્કર બની ગઇ

ફિલ્મ જોયા બાદ ઘણાં યુઝર્સ તેમના પ્રત્યે સહાનુભૂતિ બતાવી રહ્યાં છે. યુઝર્સનો આરોપ છે કે એલીનની કહાનીને ખોટી રીતે દર્શાવવામાં આવી છે. આવો જાણીએ  સમગ્ર મામલો. એલીન વુર્નોસનો જન્મ 1956માં થયો હતો. એલીનના માતા-પિતા તેના જન્મ પહેલાં અલગ થઇ ગયા હતા. જ્યારે એલીન ચાર વર્ષની હતી ત્યારે તેને અને તેના ભાઈને દાદા-દાદી સાથે રહેવા માટે મોકલી દીધી હતી. કિશોરાવસ્થામાં તેણે શાળા છોડી દીધી હતી અને બાદમાં સેક્સ વર્કર બની ગઇ.

એલીને સાત લોકોની ગોળી મારી હત્યા કરી

રિપોર્ટ મુજબ, 1989-1990માં ફ્લોરિડામાં એલીને સાત લોકોની ગોળી મારી હત્યા કરી હતી. દાવો કરવામાં આવ્યો છે કે ગુનેગારો તેની સાથે જબરજસ્તી પૂર્વક શારિરીક સંબંધ માણવાનો પ્રયાસ કરી રહ્યાં હતા અને આ બધી હત્યા તેણે સ્વબચાવ માટે કરી હતી. સાત લોકો સેક્સ માટે તેની પાસે ગ્રાહક બનીને આવ્યાં હતા.

એલીનને ઝેરનું ઈન્જેક્શન લગાવવામાં આવ્યું

કોર્ટમાં લાંબી સુનાવણી બાદ અંતમાં એલીન વુર્નોસને સાત પુરૂષમાંથી છની હત્યા માટે દોષી ઠેરવવામાં આવી હતી અને તેને મોતની સજા સંભળાવવામાં આવી હતી. એલીનને 2002માં ઝેરનું ઈન્જેક્શન લગાવી મારી દેવામાં આવી હતી.