સલમાન સાથે આ શું / બચી ગયો સલમાન ખાન ! ફાર્મહાઉસમાં ઘુસેલા 2 લોકો કોણ હતા, કેમ આવ્યાંતા, મોટો ઘટસ્ફોટ

• સલમાન ખાનના જીવ પર જોખમ યથાવત
• પનવેલ ફાર્મહાઉસમાં ખોટી રીતે ઘુસેલા 2 લોકો ઝડપાયાં
• બન્ને પાસે મળ્યાં નકલી આઈડી કાર્ડ 

બોલીવુડ સુપરસ્ટાર સલમાન ખાનના જીવ પર જોખમ છે તે જગજાહેર છે. સોમવારે તેની સિક્યુરીટીમાં ભંગની એક મોટી ઘટના સામે આવતાં ફરી ચિંતા છવાઈ હતી. મહારાષ્ટ્રના પનવેલમાં સલમાન ખાનનું વૈભવી ફાર્મહાઉસ આવેલું છે. 2 યુવાનો ફાર્મહાઉસની સીમાને અડીને આવેલા ઝાડ પર ચઢીને અંદર ઘુસવાનો પ્રયાસ કરી રહ્યાં હતા પરંતુ હાજર રહેલા ગાર્ડે તેમને જોઈ લીધા અને પોલીસને સોંપી દીધા હતા. 

Security Scare At Salman Khan's Panvel Farmhouse, 2 Arrested With Fake IDshttps://t.co/uPjylSbGTG

— Mr Zubair (@MrZubai08999659) January 8, 2024

સલમાનના ફાર્મહાઉસમાં ઘુસેલા 2 લોકો કોણ 
પોલીસ પૂછપરછમાં આ બંને લોકોએ પોતાને સલમાન ખાનના ફેન ગણાવ્યા હતા પરંતુ જ્યારે પોલીસ દ્વારા તેમના ઓળખપત્રો ચેક કરવામાં આવ્યાં ત્યારે તે નકલી નીકળ્યાં અને આવી સ્થિતિમાં પોલીસની શંકા વધુ ઘેરી બની હતી. આ બંને શખ્સોની ઓળખ અજેશ કુમાર ઓમ પ્રકાશ ગિલ અને ગુરસેવક સિંહ તેજસિંહ શીખ તરીકે થઈ છે. બંનેની ઉંમર 23થી 24 વર્ષની વચ્ચે છે અને બંને પંજાબના ફાજિલ્કા જિલ્લાના છે.

બન્ને યુવાનો સુથાર હતા 
પોલીસના જણાવ્યા અનુસાર, બંને યુવાનો સુથાર હતા. તેઓ એક દિવસ પહેલા જ મુંબઇ આવ્યા હતા અને સુપરસ્ટાર સલમાન ખાનને જોવા અથવા મળવા માંગતા હતા. આ બંનેની પોલીસે કલમ 448 હેઠળ અટકાયત કરી હતી. જોકે, પૂછપરછ બાદ બંનેને નોટિસ આપીને છોડી મૂકવામાં આવ્યા છે.

Security Scare At Salman Khan's Panvel Farmhouse, 2 Arrested With Fake IDshttps://t.co/ouj12g9qXC

— Qadeer Anwar (@qadeer26538) January 8, 2024

સલમાન ખાનના જીવ પર છે જોખમ 
ઉલ્લેખનીય છે કે સલમાન ખાનના જીવ પર જોખમ છે. કુખ્યાત ગેંગસ્ટર ગોલ્ડી બ્રાર અને લોરેન્સ બિશ્નોઇએ પણ આ સુપરસ્ટારને ખુલ્લેઆમ ધમકી આપી છે. આ ધમકીઓને ધ્યાનમાં રાખીને સલમાન ખાનને ગયા વર્ષે વાય + કેટેગરીની સુરક્ષા આપવામાં આવી હતી.