મહામારી / મહારાષ્ટ્રમાં કોરોનાથી સ્થિતિ વિકટ થતા પડોશી રાજ્ય ચેત્યું, શહેરમાં લાગી પાડુ કલમ 144

• બેંગ્લુરમાં કલમ 144 લાગુ
• સ્વિમિંગ પુલ, જિમ, પાર્ટી પ્લોટના કામકાજ પર પ્રતિબંધ 
• તમામ પ્રકારની રેલીઓ, પ્રદર્શન, જાહેર મેળાવડા પર પ્રતિબંધ 

દરેક રાજ્ય સરકાર કોરોનાના નાથવા માટે પોતપોતાની રીતે પગલાં ભરી રહી છે. તેમાં હવે વધુ એક રાજ્ય સરકારનો ઉમેરો થયો છે. કર્ણાટકની યેદિયુરપ્પા સરકારે બેંગ્લુરમાં કલમ 144 લાગુ પાડી દીધી છે. 

સત્તાવાર આદેશ અનુસાર, રાજ્યમાં સ્વિમિંગ પુલ, જિમ, પાર્ટી પ્લોટ અને રહેણાંકના કોમ્પલેક્સના કામકાજ પર પ્રતિબંધ મૂકી દેવાયો છે. બેંગ્લુરુ પોલીસ કમિશનર કમલ પંતે તમામ પ્રકારની રેલીઓ, પ્રદર્શન, જાહેર મેળાવડા, કાર્યક્રમો તથા પ્રાર્થના પર પ્રતિબંધ મૂકી દીધો છે. 

પંજાબમાં નાઈટ કર્ફ્યુ 

પંજાબની અમરિન્દર સિંહ સરકાર દ્વારા જારી થયેલા આદેશાનુસર સમગ્ર રાજ્યમાં 30 એપ્રિલ સુધી રાતના 9 થી વહેલી સવારના 5 સુધી નાઈટ કર્ફ્યુ અમલી રહેશે. રાજ્ય સરકારે રાજ્યમાં તમામ પ્રકારના રાજકીય મેળાવડા કે કાર્યક્રમો પર પણ પ્રતિબંધ લગાવી દીધો છે. આ આદેશનું ઉલ્લંઘન કરનાર રાજકીય નેતાઓ તથા લોકોની સામે ડિઝાસ્ટર મેનેજમેન્ટ એક્ટ એન્ડ એપિડેમિક્સ એક્ટ હેઠળ કેસ દાખલ કરાશે. નેતાઓ, કાર્યક્રમના આયોજકો, તથા રાજકીય મેળાવડામાં ભાગ લેનારા લોકોની સામે કેસ દાખલ કરવાનું જિલ્લા વહિવટીતંત્ર અને પોલીસને આદેશ આપતા મુખ્યમંત્રીએ જણાવ્યું કે કાર્યક્રમો માટે સ્થળ પૂરુ પાડનાર માલિકો સામે પણ કેસ દાખલ કરાશે. તથા તેમના સ્થળને 3 મહિના સુધી સીલ કરી દેવામાં આવશે.

મુખ્યમંત્રી કેપ્ટન અમરિન્દર સિંહે આ પ્રસંગે રાજકીય રેલીઓમાં હાજર રહેનાર દિલ્હીના સીએમ કેજરીવાલ, અકાલી દળના સુખબીર સિંહ બાદલને પણ ઠપકો આપ્યો. કેજરીવાલ-સુખબીરને ઠપકો આપતા સીએમ અમરિન્દર સિંહે જણાવ્યું કે જો તમારી જેવા નેતાઓ જ કોરોના પ્રત્યે ગંભીર ન હોય તો સામાન્ય લોકો પાસેથી તમે કેવી આશા રાખી શકો. સરકારે આવા ઉલ્લંઘનોને જરા પણ સાંખી નહીં લેય અને આવા લોકોની સામે કડક કાર્યવાહી કરવામાં આવશે.