શનિ માર્ગી / શનિની ખરાબ નજર પડી તો જિંદગીમાંથી સુખ ભસ્મ થઈ જશે: નવેમ્બરમાં ખૂબ સાચવીને રહે આ 3 રાશિના જાતકો

• ગ્રહોની ચાલના કારણે મનુષ્યના જીવન પર અસર થાય છે
• શનિદેવ કુંભ રાશિમાં માર્ગી થશે
• આ રાશિના જાતકોએ સાવચેત રહેવું

ગ્રહોની ચાલના કારણે મનુષ્યના જીવન પર અસર થાય છે. ન્યાયના દેવતા શનિદેવ કર્મ અનુસાર ફળ પ્રદાન કરે છે. શનિદેવ 4 નવેમ્બર 2023થી કુંભ રાશિમાં માર્ગી થશે. શનિ હાલમાં વક્રી અવસ્થામાં છે. શનિની સીધી ચાલના કારણે તમામ રાશિના જાતકો પર અસર થશે. કેટલીક રાશિના જાતકો પર શનિ માર્ગીની ગંભીર અસર થશે. શનિ માર્ગીના કારણે કઈ રાશિના જાતકોએ સાવચેત રહેવું તે અંગે અહીંયા જણાવવામાં આવ્યું છે.

આ રાશિના જાતકો પર થશે શનિ માર્ગીની ગંભીર અસર
કર્ક- આ રાશિના જાતકોને શનિ માર્ગીના કારણે નુકસાન થઈ શકે છે. દુર્ઘટના સર્જાઈ શકે છે અથવા આર્થિક મોરચે અનેક પ્રકારની સમસ્યાનો સામનો કરવો પડી શકે છે. પૈતૃક વ્યવસાય કરતા લોકોને નુકસાન થઈ શકે છે. દેવુ લેવાની પરિસ્થિતિ ઊભી થઈ શકે છે. નોકરિયાત વ્યક્તિઓએ પ્રતિસ્પર્ધાનો સામનો કરવો પડશે. દુશ્મનો પરેશાન કરવાની કોશિશ કરશે. વાણીમાં કટુ વચનોનો પ્રયોગ કરવામાં આવી શકે છે. સ્વભાવમાં વિનમ્રતા રાખવી. 

વૃશ્વિક- આ રાશિના જાતકોએ શનિ માર્ગીના કારણે માનસિક તણાવનો સામનો કરવો પડી શકે છે. માઁના આરોગ્યનું ખાસ ધ્યાન રાખવું. નાની નાની બાબતોના કારણે વિવાદ થઈ શકે છે, તેથી સાવધાની રાખવી. કામની બાબતે દૂર સ્થળે ટ્રાન્સફર થઈ શકે છે. નવું કામ શરૂ કરતા પહેલા યોગ્ય ચર્ચા વિચારણાં કરવી. કાયદાકીય મામલાથી દૂર રહેવું. 

મીન- આ રાશિના જાતકોએ વિદેશ યાત્રા કરવી પડી શકે છે. આ દરમિયાન સાવચેત રહેવું નહીંતર નુકસાન થઈ શકે છે. વધુ પડતો ખર્ચ અને વગર કામની યાત્રાને કારણે તમારું બજેટ ખોરવાઈ શકે છે. નોકરી બદલવાનું વિચારી રહ્યા છો, તો થોડી રાહ જોવી. સંબંધોમાં ગેરસમજણ ઊભી થઈ શકે છે. યોગ્ય સમયે કામ પૂર્ણ કરી લેવું અને પાર્ટનરને સમય આપવો. આરોગ્ય બાબતે સાવધાન રહેવું. પેટ સંબંધિત બિમારીઓને કારમે પરેશાની થઈ શકે છે.