અભિનેતાની વેદના / સાઉથની ફિલ્મો કરોડો કમાઈ રહી છે, ખબર નહીં અમારી ત્યાં કેમ નથી ચાલતી: સલમાન ખાનનું દર્દ છલકાયું

• કેજીએફ, પુષ્પા, બાહુબલી અને સાહોએ હિન્દી બેલ્ટમાં સારી કમાણી કરી
• સલમાને પત્રકાર પરિષદમાં સાઉથ અને હિન્દી ફિલ્મોના પર્ફોમન્સ અંગે વાત કહી
• હિન્દી ફિલ્મો જ્યારે સાઉથ બેલ્ટમાં રીલીઝ થાય છે તો પર્ફોમન્સ સારું હોતુ નથી

સલમાન ફિલ્મ ગૉડફાધરમાં મહત્વનો રોલ નિભાવી રહ્યાં છે

મહત્વનું છે કે સલમાન સાઉથના સુપરસ્ટાર ચિરંજીવીની ફિલ્મ ગૉડફાધરમાં એક મહત્વનો રોલ નિભાવી રહ્યાં છે. સલમાને કહ્યું કે હું ચિરૂને લાંબા સમયથી ઓળખુ છુ અને તેઓ મારા સારા મિત્ર છે. તેનો પુત્ર રામચરણ પણ મારા મિત્ર છે. તેમણે હાલમાં RRRમાં સારું કામ કર્યુ છે. મેં તેમના બર્થ-ડે પર તેમને આ સફળતાની શુભેચ્છા પણ આપી. સારું લાગે છે જ્યારે સાઉથ ઈન્ડસ્ટ્રીના કલાકાર કામ કરે છે, પરંતુ હું હેરાન છુ કે મારી ફિલ્મો સાઉથમાં સારું પરિણામ કેમ મેળવી શકતી નથી. જ્યારે તેની ફિલ્મો અહીં કરોડો રૂપિયા કમાય છે. 

સાઉથ ફિલ્મ ઈન્ડસ્ટ્રીએ હંમેશા વીરતા પર ભરોસો કર્યો: સલમાન ખાન

સલમાન ખાને આ દરમ્યાન શૌર્યવાળી ફિલ્મો બનાવવા પર ભાર આપ્યો છે. સલમાને કહ્યું કે સાઉથ ફિલ્મ ઈન્ડસ્ટ્રીએ હંમેશા વીરતા પર ભરોસો કર્યો છે. સાઉથ અને બોલીવુડ બંને ઈન્ડસ્ટ્રી ક્યારેય વીરતા પર વિશ્વાસ કરતી નથી. જ્યારે તમે થિયેટરમાંથી બહાર આવો છો તો તમારી પાસે એક હીરો હોય છે. પરંતુ બોલીવુડમાં અમુક પસંદગી કરેલી ફિલ્મો વીરતા પર બની રહી છે. આપણે એક વખત ફરીથી વીરતાવાળી ફિલ્મો બનાવવાની શરૂઆત કરવી પડશે. 

અમારી પાસે વીરતાનો કોન્સેપ્ટ પહેલાથી છે

સલમાને વધુમાં કહ્યું, વીરતાનો કોન્સેપ્ટ અમારી પાસે સલીમ-જાવેદના સમયથી હતો. પરંતુ હવે સાઉથના નિર્માતા તેને નેકસ્ટ લેવલ પર લઇ જઇ રહ્યાં છે. સાઉથમાં ફોલોઅર્સ વધારે છે અને હવે હું પણ સાઉથના સુપરસ્ટાર ચિરૂ એટલેકે ચિરંજીવીની સાથે કામ કરી રહ્યો છુ. તેની પાસે ફિલ્મોની એક અલગ સ્ટાઈલ છે. દબંગ સીરીઝ જોઈએ તો પવન કલ્યાણે તેને તેલુગુમાં બનાવી છે. આ પ્રકારની વધુ ફિલ્મો બનવી જોઈએ. સલમાને સાઉથ ફિલ્મ ઈન્ડસ્ટ્રીના લેખક અને ડાયરેકટરને તેની દૂરંદેશીતા માટે શુભેચ્છા આપતા કહ્યું, આશા છે કે સાઉથ ફિલ્મોને હિન્દીમાં બનાવવાના બદલે આ ટ્રેન્ડ પલટાઈ જાય.