- અહેવાલ મુજબ અજિત પવાર અમિત શાહને મળવા દિલ્હી ગયા હતા
- શિંદેએ આખી શિવસેના તોડી એમ હવે NCP પણ તૂટશે?
- 11 એપ્રિલે ઉદ્ધવ ઠાકરે શરદ પવારને મળવા પહોંચ્યા હતા
શું શરદ પવારને મહારાષ્ટ્રના રાજકારણમાં ઉદ્ધવ ઠાકરે જેવો આંચકો મળશે અને પાર્ટીમાં મોટો બળવો થશે? જણાવી દઈએ કે છેલ્લા કેટલાક દિવસોથી આ ચર્ચા મહારાષ્ટ્રમાં જોરશોરથી ચાલી રહી છે અને એવા અનેક અહેવાલ સામે આવ્યા હતા કે વિધાનસભામાં વિપક્ષના નેતા અજિત પવાર ભૂતકાળમાં દિલ્હી ગયા હતા અને ગૃહમંત્રી અમિત શાહને મળ્યા હતા. આ સાથે જ સૂત્રોનું કહેવું છે કે અમિત શાહ રવિવારે મુંબઈ પહોંચ્યા ત્યારે તેમણે ભાજપના નેતાઓ સાથે બેઠક કરી હતી અને આ બેઠકમાં NCPના જૂથને ભાજપમાં લઈ શકાય કે કેમ તે અંગે ચર્ચા કરવામાં આવી હતી.જો કે અમિત શાહ મહારાષ્ટ્ર ભૂષણ સન્માન આપવા પહોંચ્યા હતા.રવિવારનો કાર્યક્રમ હોવા છતાં તેઓ શનિવારે સાંજે જ મુંબઈ આવી પંહોચ્યાં હતા.
આવા અહેવાલો સામે આવાતની સાથે જ મહારાષ્ટ્રમાં ફરી રાજકારણ ગરમાયું હતું. ચર્ચા ચાલી રહી હતી કે જેમ શિંદેએ આખી શિવસેના તોડી એમ હવે NCP પણ તૂટશે. વાત એમ છે કે ઇંડિયન એક્સપ્રેસમાં દાવો છે કે 7 એપ્રિલે પણ અજીત પવાર ગુપ્ત મુલાકાત માટે દિલ્હી ગયા હતા તો બીજી તરફ 11 એપ્રિલે ઉદ્ધવ ઠાકરે શરદ પવારને મળવા પણ પહોંચ્યા. આવા અહેવાલો વચ્ચે પવારે ઉદ્ધવ ઠાકરને એવું આશ્વાસન આપ્યું હતું કે, 'અમે ભાજપ સાથે ક્યારેય જવાના નથી.'
આમ છતાં આ અહેવાલ આગની જેમ ફેલાવવા લાગ્યા હતા. જો કે હવે દરેક અહેવાલ અને અફવાને શાંત કરતાં અજીત પવારે મીડિયા સામે આવીને સ્પષ્ટતા કરી હતી કે 'આ બધી વાતો ખોટી છે અને હું ક્યાંય જવાનો નથી. ' અજીત પાવરના આ નિવેદનથી મામલો થોડો ઠંડો પડ્યો હતો. આ સાથે જ ઉદ્ધવ ઠાકરે જૂથના સંજય રાઉત પણ આ વિશે વાત કરતાં જણાવ્યું હતું કે, 'અજીત પવારે અમિત શાહ સાથે કોઈ મુલાકાત કરી નથી અને હવે એ ખુલાસો થઈ ગયો છે.'
જણાવી દઈએ કે મહારાષ્ટ્રમાં લોકસભાની કુલ 48 બેઠકો છે અને જો અહેવાલ મુજબ NCPમાં વિભાજન થાય તો 2024માં તેનો સીધો ફાયદો ભાજપને થશે.નોંધનીય છે કે શિવસેના પહેલેથી જ વેરવિખેર થઈ ગઈ છે અને કોંગ્રેસમાં કોંગ્રેસનું ખાસ અસ્તિત્વ નથી તો આ સિવાય મહાવિકાસ આઘાડીમાં ત્રીજા નંબરની પાર્ટી રહી છે. આવી સ્થિતિમાં જો એનસીપીમાં પણ ફાટ પડે તો ભાજપને મોટો ફાયદો થઈ શકે છે. આ વિશે વધુ ચર્ચા કરી તો શરદ પવાર હવે વૃદ્ધ થઈ ગયા છે અને તેમની પુત્રી સુપ્રિયા સુલે ક્યારેય જ નેતા રહી નથી. એવામાં અજિત પવાર એનસીપીના સંગઠનને સંભાળી રહ્યા છે અને સમગ્ર રાજ્યમાં તેમની પકડ ધરાવે છે, જો અજિત પવાર ભાજપ સાથે જોડાઈ તો શિવસેનાની જેમ NCP પણ તૂટી શકે છે.
