નિયમ / ઉત્તર ભારત જનારા માટે મોટા સમાચાર: આઠ દિવસ સુધી દિલ્હીમાં ફ્લાઇટની ઉડાન પર રોક, સરકારે આ કારણે લીધો નિર્ણય

• ગણતંત્ર દિવસને ધ્યાનમાં રાખતાં દિલ્હીમાં નવો નિયમ
• 19-26 જાન્યુઆરી દરમિયાન દિલ્હી એરપોર્ટ પર ફ્લાઈટને લઈને પ્રતિબંધ
• સવારે10.20થી બપોરે 12.45 સુધી એરપોર્ટમાં પ્રતિબંધ લાગૂ

ગણતંત્ર દિવસને ધ્યાનમાં લેતાં 19 જાન્યુઆરીથી 26 જાન્યુઆરી 2024 સુધી દિલ્હીનાં એરસ્પેસમાં થોડા કલાકો માટે કેટલાક પ્રતિબંધો લાગશે. દિલ્હી ઈંટરનેશનલ એરપોર્ટ લિમિટેડે જણાવ્યું કે સવારે 10.20 વાગ્યાથી 12.45 વાગ્યાની વચ્ચે ફ્લાઈટ્સ બંધ રહેશે. આ સમય દરમિયાન દિલ્હી એરપોર્ટ પર કોઈ પણ ફ્લાઈટ ટેક ઓફ અથવા તો લેન્ડ થશે નહીં. ગણતંત્ર દિવસને ધ્યાનમાં લેતા આ નિર્ણય લેવામાં આવ્યો છે.

Kind attention to all flyers ! pic.twitter.com/K9RN3n5vHX

— Delhi Airport (@DelhiAirport) January 18, 2024

એરમેન ટૂ નોટિસ
આ અઠવાડિયે નોટમમાં કહેવામાં આવ્યું કે 19-26 જાન્યુઆરી સુધી સવારે 10થી બપોરે 12.45  સુધી શેડ્યૂલ એરલાઈનોની નોન-શિડ્યૂલ ફ્લાઈટ્સ અને ચાર્ટર્ડ ફ્લાઈટ્સની લેન્ડિંગ કે ટેકઓફની પરવાનગી નહીં મળે.

વધુ વાંચો: શહેરોમાં પ્રોપર્ટીના વધતા ભાવ વચ્ચે ડિમાન્ડમાં ઘટાડો, કિંમતમાં 19 ટકાનો ઉછાળો, એ પણ છેલ્લા એક વર્ષમાં

મુખ્ય મહેમાન
ભારત 26 જાન્યુઆરીનાં પોતાનો 75મો ગણતંત્ર દિવસ ઊજવશે. આ દરમિયાન ફ્રાંસનાં રાષ્ટ્રપતિ ઈમેનુએલ મેક્રોં મુખ્ય અતિથિ રહેશે. છઠ્ઠી વખત ફ્રાંસનાં કોઈ રાષ્ટ્રધ્યક્ષ ગણતંત્ર દિવસ દરમિયાન ભારતનાં અતિથિ બનશે. આ વખતે પહેલીવાર સીમા સુરક્ષા બળ BSFની તમામ મહિલાઓ માર્ચ કરશે.