- શાકભાજીના ભાવમાં 80 ટકા સુધીનો ઘટાડો
- ભાવ ઘટતા ખેડૂતોને નુકસાન થવાના આસાર
- શાકભાજીની મબલક આવકથી ભાવમાં ઘટાડો
Ahmedabad News: ગૃહિણીઓ માટે રાહતના સમાચાર સામે આવ્યા છે. તહેવારો દરમિયાન ઉચકાયેલા શાકભાજીના ભાવમાં ધરખમ ઘટાડો થયો છે. માર્કેટમાં શાકભાજીની આવક થતાં શાકભાજીના ભાવમાં ઘટાડો થયો છે. જેના કારણે ગૃહિણીઓને હાશકારો થયો છે. છેલ્લા ઘણા સમયથી શાકભાજીના ભાવ આસમાને પહોંચ્યા હતા અને ગૃહિણીનું રસોઇનું બજેટ ખોરવાઇ ગયું હતું. પરંતુ શાકભાજીની આવક થતાં ભાવમાં 80 ટકા જેટલો ઘટાડો નોંધાયો છે. જેના પગલે ગૃહિણીઓને હવે રાહત થઇ છે. પહેલા એક કિલો ટામેટાનો ભાવ 100 રૂપિયા હતો, જે ભાવ હવે હોલસેલ માર્કેટમાં રૂ.7થી 10 સુધી પહોચ્યો છે.
ગૃહિણીઓને રાહત અને ખેડૂતો મુશ્કેલીમાં
માર્કેટમાં શાકભાજીની સારી આવક થતાં શાકભાજીના ભાવમાં ઘટાડો થયો છે. જેના કારણે ગૃહિણીઓ ખુશ-ખુશ થઈ ગઈ છે, તો શાકભાજીના ભાવો એકાએક તળિયે બેસી જતાં ખેડૂતોને સારી આવકની આશા પર પાણી ફરી વળ્યું છે. જથ્થાબંધ બજારોમાં શાકભાજી વેચતા ખેડૂતોને પડતર કિંમત પણ નીકળતી નથી.
શાકભાજીના ભાવમાં 80 ટકા સુધીનો ઘટાડો
હાલમાં શાકભાજીનો ભાવ હોલસેલ માર્કેટમાં 15થી 20 રૂપિયા સુધી પહોંચ્યો છે. ટામેટા પહેલા 100 રૂપિયા પ્રતિ કિલો હતા, હવે હોલસેલમાં 7થી 10 રૂપિયા કિલો વેચાઈ રહ્યા છે. તો કારેલાનો ભાવ પહેલા 50 રૂપિયા કિલો હતો, હવે હોલસેલમાં 4થી 7 રૂપિયામાં વેચાઈ રહ્યા છે.
શાકભાજીના હોલસેલ ભાવ નીચે મુજબ છે
| શાકભાજી |
પહેલા હોલસેલ ભાવ |
અત્યારે હોલસેલ ભાવ |
| કારેલા |
50 રૂપિયા |
4થી 7 રૂપિયા |
| મરચા |
50 રૂપિયા |
10થી 15 રૂપિયા |
| કોબીજ |
40 રૂપિયા |
10થી 12 રૂપિયા |
| કોથમીર |
80 રૂપિયા |
12થી 15 રૂપિયા |
| રીંગણ |
40 રૂપિયા |
4થી 5 રૂપિયા |
| ગવાર |
80 રૂપિયા |
15થી 18 રૂપિયા |
| દૂધી |
30 રૂપિયા |
2થી 3 રૂપિયા |
