- ધારાસભ્ય ગોવિંદ પટેલ વિજય રૂપાણીના સમર્થનમાં
- ગોવિંદ પટેલે લખ્યો પત્ર, કહ્યું બધું જ નિયમ સર છે.
- કોંગ્રેસ નાગરિકોનું ધ્યાન અન્યત્ર ભટકાવી રહ્યો છે.
રાજકોટનાં જમીન કૌભાંડ મુદ્દે ધારાસભ્ય અને પૂર્વ મંત્રી ગોવિંદ પટેલ ફરીથી મેદાનમાં આવતા એક પત્ર લખ્યો છે. કોંગ્રેસે મંગળવારે પૂર્વ મુખ્યમંત્રી વિજય રૂપાણી વિજય રૂપાણી સહિતના નેતાઓ પર જમીન કૌભાંડના કર્યા હતા આક્ષેપ લગાવ્યા હતા. સહારા વાળી જમીનની દરેક પ્રક્રિયા નિયમસર કરીને થઇ છે. રાજકોટના પોલીસ કમિશનર મુદ્દે તોડકાંડની તપાસ આગળ વધી રહી છે ત્યારે જ કોંગ્રેસ લોકોનું ધ્યાન અન્યત્ર ખેંચવાનો પ્રયાસ કરી રહી છે.
શો હતો કોંગ્રેસનો આરોપ
રાજકોટ રૂડામાં સમાવેશ આણંદપર, નવાગામ અને માલીયાસણના જુદા જુદા 20 સર્વે નંબરોની 111 એકર જમીનમાં 500 કરોડનું કૌભાંડ ભાજપના પુર્વ મુખ્યમંત્રી વિજય રૂપાણી અને મળતીયાઓના આગ્રહના કારણે આચરવામાં આવી હોવાનો સનસનીખેજ આરોપ પ્રદેશ કોંગ્રેસના વિરોધ પક્ષના નેતા સુખરામ રાઠવા તથા ઉપનેતા શૈલેષ પરમાર વગેરેએ કર્યો છે.
ગાંધીનગરમાં આજે કોંગ્રેસના વિપક્ષી નેતા સુખરામ રાઠવા, ઉપનેતા શૈલેષ પરમાર, કોંગ્રેસના દંડક સી.જે.ચાવડા સહિતના પ્રદેશ કોંગ્રેસ નેતાઓએ યોજેલી પત્રકાર પરિષદમાં એવો વિસ્ફોટ કર્યો હતો કે ભાજપના પુર્વ મુખ્યમંત્રી વિજય રૂપાણીના શાસનમાં થયેલા કરોડોના કૌભાંડોની એક પછી એક પોલ ખુલવા લાગી છે.
રાજકોટના આણંદપર, નવાગામ અને માલીયાસણના જુદા જુદા 20 સર્વે નંબરમાં 537240 વાર અર્થાત 111 એકર જમીનમાં 500 કરોડનું કૌભાંડ આચરવામાં આવ્યું છે. સહારા ગ્રુપની કંપની સહારા ઈન્ડીયા હોમ કોર્પોરેશન લખનઉ એ ટાઉનશીપ બાંધવા માટે ઉપરોક્ત સર્વેમાં જમીનો મેળવી હતી અને ટાઉનશીપ યોજના બનાવી હતી. સહારા સામે વિવિધ સ્કીમો અને પ્લોટીંગમાં ઉઘરાવાયેલા નાણા પરત અપાવવાના હતા છતાં સરકારે આ જમીન શ્રીસરકાર કરવાને બદલે સહારા ઈન્ડીયાની આ જમીનમાં ઝોન ફેરફારને મંજુરી આપી દીધી હતી. 500 કરોડના કૌભાંડમાં તેઓએ વિજય રૂપાણી અને શહેર ભાજપના આગેવાન નીતીન ભારદ્વાજ સામે આંગળી ચીંધતા એમ કહ્યું હતું કે બંનેને આગ્રહના કારણે જ ઝોન ફેરફારની દરખાસ્તને મંજુરી આપવામાં આવી હતી.
