- રવિ અશ્વિન અને રવીન્દ્ર જાડેજાના નામે વધુ એક રેકોર્ડ
- જોડીએ સૌથી વધુ વિકેટ લેનારી જોડીની યાદીમાં સર્વોચ્ચ સ્થાન હાંસલ કર્યું
- ઓસ્ટ્રેલિયાના ગ્લેન મેકગ્રા અને જેસન ગિલસપીને છોડી દીધા પાછળ
ભારતીય ક્રિકેટ ટીમના સ્ટાર ખેલાડી અને સ્પિન બોલર રવિ અશ્વિન અને રવીન્દ્ર જાડેજાના નામે વધુ એક રેકોર્ડ સ્થાપિત થયો છે. રવિ અશ્વિન અને રવિન્દ્ર જાડેજાની જોડીએ કાબીલેદાદ પ્રદર્શન કરી ટેસ્ટ મેચમાં કમાલ કર્યો છે. બનેએ ભારત માટે 486 વિકેટ ઝડપી છે. જેને લઈને રવિ અશ્વિન અને રવિન્દ્ર જાડેજાની જોડી સૌથી વધુ વિકેટ લેનારી જોડીની યાદીમાં સર્વોચ્ચ સ્થાન હાંસલ કરી લીધું છે. તેઓએ ઓસ્ટ્રેલિયાના ગ્લેન મેકગ્રા જેસન ગિલસપીને પછાડી આ સિદ્ધિ હાંસલ કરી છે.
ટેસ્ટ ફોર્મેટમાં 33મી વખત પાંચ વિકેટ લેવાનું રેકોર્ડ
વેસ્ટ ઈન્ડિઝ સામેની ડોમેનિકા ટેસ્ટમાં રવિ અશ્વિને પાંચ વિકેટ ખેડવી હતી તો રવિન્દ્ર જાડેજા એ ત્રણ વિકેટ ઝડપી હતી. આ રીતે વેસ્ટ ઇન્ડીઝની પ્રથમ ઈનિંગમાં રવિ અશ્વિન અને રવિન્દ્ર જાડેજાની જોડીએ જલવો બતાવી આઠ વિકેટ પોતાને નામ કરી હતી. જેને લઈને રવિ અશ્વિને ટેસ્ટ ફોર્મેટમાં 33મી વખત પાંચ વિકેટ લેવાનું રેકોર્ડ સર્જ્યો છે. સાથે જ આ ઓફ સ્પિનરે ઇન્ટરનેશનલ ક્રિકેટમાં 700 વિકેટનો આંકડો પાર કર્યો છે.
મોહમ્મદ સિરાજ અને શાર્દુલ ઠાકુરને પણ સફળતા
નોંધનીય છે કે આ અગાઉ આ રેકોર્ડ ઓસ્ટ્રેલિયાની જોડી ગ્લેન મેકેગ્રા અને જેસન ગલેસ્પિના નામે હતો. પરંતુ હવે તેમને પાછળ છોડી હવે રવિ અશ્વિન અને રવિન્દ્ર જાડેજાની જોડી આગળ નીકળી ગઈ છે અને રવિ અશ્વિન- રવિન્દ્ર જાડેજાની જોડીની તુફાની બોલિંગને કારણે વેસ્ટ ઇન્ડીઝની ટીમ પર પ્રથમ દાવમાં માત્ર 150 રનમાં જ સમેટાઈ ગઈ હતી. બીજી બાજુ રવિ અશ્વિન અને રવિન્દ્ર જાડેજા ઉપરાંત મોહમ્મદ સિરાજ અને શાર્દુલ ઠાકુરને પણ એક એક વિકેટ ઝડપી લેવામાં સફળતા મળી હતી.
