રાજકારણ / રાજસ્થાનનું રાજકારણ ગુજરાત પહોંચ્યુ, પાયલટ કેમ્પના ધારાસભ્યો રાજ્યમાં ધામા, જાણો શું છે ગણિત

• રાજસ્થાનના રાજકારણના સૌથી મહત્વના સમાચાર
• સચિન પાયલટ ગૃપના ધારાસભ્યોને ગુજરાત લવાયાની ચર્ચા
• પાયલટ ગૃપના ધારાસભ્યોને ગુજરાતના કોઇ ફાર્મમાં રખાયાની ચર્ચા

રાજસ્થાનમાં 13મી જુલાઈથી શરૂ થયેલા મેગા ડ્રામાનો નવો અધ્યાય ગુજરાતમાં શરૂ થયો છે. સચિન પાયલટ કેમ્પના ધારાસભ્યો જૂથોમાં વહેંચાઈને અલગ જગ્યાઓએ પહોંચ્યા છે. ત્યારે પાયલટ કેમ્પના આ ધારાસભ્યોનું એક જૂથ ગુજરાતમાં રોકાણ માટે આવ્યાની ચર્ચા છે.

સચીન પાયલટ કેમ્પના 3 ધારાસભ્યોનું ગ્રુપ અમદાવાદમાં આવ્યા હોવાની ચર્ચા છે. 13મી જુલાઈથી પાયલટ સમર્થક 30 ધારાસભ્યો માનેસરમાં રોકાયાનો દાવો હતો. જો કે 30માંથી કેટલાક ધારાસભ્યો પાયલટને છોડીને ગહેલોત કેમ્પ પહોંચ્યા છે. 

અમદાવાદ આવેલા ત્રણેય ધારાસભ્યોએ સોમનાથના દર્શન કર્યાની પણ માહિતી મળી રહી છે. પાયલટ કેમ્પના જ અન્ય ધારાસભ્યો પણ ગુજરાત પહોંચે તેવી શક્યતાઓ છે.  કેટલાક ધારાસભ્યો દક્ષિણ ગુજરાત અને અમદાવાદમાં રોકાય તેવી શક્યતા દર્શાવાઈ રહી છે. હાલમાં પાયલટ કેમ્પમાં કુલ 12 જ ધારાસભ્યો હોવાની માહિતી મળી રહી છે. 13મી જુલાઈએ પાયલટના નેતૃત્વમાં કેટલાક ધારાસભ્યો હરિયાણાના માનેસરમાં આઈસોલેટ થયા હતા.