રાજસ્થાન / DOIT જોઈન્ટ ડાયરેક્ટર સસ્પેન્ડ, તિજોરીમાંથી મળી આવી કરોડોની રોકડ અને સોનાના બિસ્કીટ

• DOITના જોઈન્ટ ડાયરેક્ટર સસ્પેન્ડ
• રોકડ 2.31 કરોડ રૂપિયા જપ્ત
• જપ્તા કર્યા પછી કાર્યવાહી

રાજસ્થાનમાં સૂચના તથા પ્રોદ્યોગિકી વિભાગ (DOIT)ના જોઈન્ટ ડાયરેક્ટર વેદ પ્રકાશ યાદવને સસ્પેન્ડ કરવામાં આવ્યા છે. એન્ટી કરપ્શન બ્યૂરોએ તેમની પાસેથી 2.31 કરોડ રૂપિયા રોકડ અને 1 કિલો સોનાના બિસ્કીટ જપ્તા કર્યા પછી કાર્યવાહી કરી છે. 

જયપુર કમિશ્નરેટ ઓફિસમાં શુક્રવારે જોઈન્ટ ડાયરેક્ટર વેદ પ્રકાશ યાદવની તિજોરી જોઈને લોકો દંગ રહી ગયા હતા. યોજના ભવન સ્થિત બેઝમેન્ટમાં અનેર દિવસોથી બંધ પડેલ એક તિજોરીમાંથી 2 કરોડ 31 લાખ 49 હજાર 500 રૂપિયા જપ્ત કર્યા હતા. એક કિલો સોનાના બિસ્કીટ પણ મળી આવ્યા હતા. આ મામલે પોલીસે શનિવારના રોજ સૂચના તથા પ્રોદ્યોગિકી વિભાગના સંયુક્ત નિદેશક વેદ પ્રકાશ યાદવની ધરપકડ કરીને ACBને સોંપી દેવામાં આવ્યા છે. 

નોટબંધી દરમિયાન ખરીદી હતી સોનાની સિલ્લી
CCTVમાં જોવા મળ્યું હતું કે, ડ્યૂટી ટાઈમ પૂર્ણ થયા પછી વેદ પ્રકાશ લેપટોપ બેગ ખભા પર રાખીને બેઝમેન્ટમાં ગયો હતો. તિજોરીનું તાળુ ખોલીને તેમાં બેગ મુકી દીધી અને ત્યાંથી નીકળી છે. આ એ તિજોરી છે, જેમાંથી પોલીસને 2.31 કરોડ રૂપિયા અને એક કિલો સોનુ મળ્યું છે. કહેવામાં આવી રહ્યું છે કે, CCTV કેમેરા ખરીદવામાં આરોપીએ રિશ્વત લીધી હતી. પોલીસ પૂછપરછ દરમિયાન આરોપીએ જણાવ્યું છે કે, અલગ અલગ લોકો પાસે રિશ્વતના ભાગરૂપે આ રકમ લીધી છે. આ રિશ્વત ઘરે નહોતો લઈ જતો, પરંતુ બેઝમેન્ટની તિજોરીમાં જ એકત્ર કરતો હતો. કહેવામાં આવી રહ્યું છે કે, નોટબંધી દરમિયાન જૂની નોટોની સામે આ સોનાની સિલ્લી ખરીદી હતી.