- રાહુલ ત્રિપાઠીએ પોતાની બેટિંગથી KKRનાં છોડાવ્યા પરસેવા
- બીમાર હતા રાહુલ ત્રિપાઠી
- 37 બોલ્સમાં બનાવ્યા 71 રન
રાહુલ ત્રિપાઠીનું શાનદાર પ્રદર્શન
રાહુલ ત્રિપાઠીએ કોલકાતા નાઈટ રાઈડર્સ વિરુદ્ધ પોતાના બેટથી ધમાલ મચાવી અને એવા વરસ્યા કે KKRની ટીમ તેમને જોતી જ રહી ગઈ. ત્રિપાઠીનાં બેટથી લાગતો દરેક શોટ, દરેક રન, કોલકાતા નાઈટ રાઈડર્સનાં પરસેવા છોડતો હતો. આ દ્રશ્ય કોઈ ચોંકાવનાર ન હતું, કેમકે IPLની પિચ પર રાહુલ ત્રિપાઠી આવું પહેલા પણ કરતા જોવા મળ્યા છે. ફરક માત્ર એટલો જ છે કે જે ટીમ માટે તેઓ પહેલા આ કમાલ કરી બતાવતા હતા, આ વર્ષે તેની જ વિરુદ્ધ તેમણે કમાલ કરી બતાવી છે. ચોંકાવનારી બાબત તો એ છે કે રાહુલ ત્રિપાઠીએ સનરાઈઝર્સ હૈદરાબાદ માટે આ બધું બીમાર હોવા છતાં પણ કર્યું.
રાહુલ ત્રિપાઠીએ કોલકાતા નાઈટ રાઈડર્સ વિરુદ્ધ 21 બોલ્સમાં પોતાની અડધી સદી ફટકારી દીધી. તેમણે 37 બોલ્સમાં 71 રન બનાવ્યા. આ દરમિયાન, 4 ચોક્કા અને 6 છક્કા તેમણે માર્યા હતા. એટલે કે પોતાની ઇનિંગમાં 52 રન માત્ર 10 બોલ્સમાં જ તેમણે બનાવ્યા. હવે સવાલ એ ઉઠે છે કે જ્યારે તેઓ બીમાર હતા, ત્યારે આ પ્રકારે તેમણે કોલકાતા નાઈટ રાઈડર્સનાં પરસેવા છોડાવ્યા હતા, જો તેઓ ફિટ હોત, તો ખબર નહી કોલકાતાની શું સ્થિતિ હોત.
રાહુલ ત્રિપાઠીએ બીમાર રહીને છોડાવ્યા કોલકાતાનાં પરસેવા
રાહુલ ત્રિપાઠીએ પોતાના બીમાર હોવાની વાત મેચ દરમિયાન પ્રેઝન્ટેશનમાં જણાવી હતી. તેમણે કહ્યું હતું કે હું ગયા અઠવાડિયાથી મારા સ્વાસ્થ્યને લઈને ઝઝૂમી રહ્યો છું. ખરાબ તબિયતમાં પણ ફ્રેન્ચાઈસી અને ટીમએ મને ખૂબ જ સપોર્ટ કર્યો છે. મુશ્કેલી ભરેલા દિવસો હોય છે, તો સારા દિવસો પણ આવે છે. દરેક ક્ષણનો આનંદ માણવો જોઈએ. તેમણે આગળ કહ્યું કે KKR વિરુદ્ધ બેટિંગ કરતા સમયે મને થોડી બેચેની થતી હતી, પણ હું ખુશ છું કે આમ છતાં પણ હું સારા રન બનાવી શક્યો.
રાહુલ ત્રિપાઠીએ કરી કમાલ
બ્રેબોર્નનાં મેદાન પર KKRએ પહેલા બેટિંગ કર્યું હતું અને પછી સનરાઈઝર્સ હૈદરાબાદ સામે જીત માટે 176 રનનો ગોલ હતો. આ ગોલનો પીછો કરતા સનરાઈઝર્સના બંને ઓપનર્સ 39 રનમાં જ આઉટ થઇ ગયા હતા. પરંતુ ત્યાર બાદ રાહુલ ત્રિપાઠીએ આવીને વિકેટ પર રોક લગાવી દીધી. તેમણે પોતે તો બેટ દ્વારા કમાલ કરી જ, એડન માર્કરમનો પણ તેમને સાથ મળ્યો. પરિણામ એ આવ્યું કે બંનેએ મળીને મેચ KKR પાસેથી છીનવી લીધી. રાહુલ ત્રિપાઠીની વિસ્ફોટક અડધી સદી સિવાય માર્કરમએ 36 બોલ્સમાં 68 રન બનાવ્યા. બંને વચ્ચે ત્રીજી વિકેટ માટે 94 રનની ભાગીદારી, જેણે સનરાઈઝર્સને જીત અપાવી.
