ધર્મ / થઈ જાઓ સતર્ક, શનિ-રાહુની યુતિથી આવનાર બે મહિના આ રાશિઓ માટે રહેશે ભારે

• થઈ રહી છે શનિ અને રાહુની યુતિ 
• આ રાશિના લોકો પર પડશે નકારાત્મક અસર 
• મળી શકે છે શુભ અને અશુભ પરિણામ 

દરેક ગ્રહ સમયની સાથે સતત પોતાની સ્થિતિ બદલે છે. આ ગ્રહ પરિવર્તન બધી રાશીઓના વ્યક્તિઓ પર મહત્વપૂર્ણ પ્રભાવ કરે છે. ગ્રહોના ફેરફારની સાથે એવી સ્થિતિઓ બને છે જ્યારે બે કે વધારે ગ્રહ એક જ રાશિ કે નક્ષત્રમાં આવી જાય છે. તેનાથી શુભ અને અશુભ બન્ને પ્રકારના પરિણામ મળે છે. 

હાલ 17 ઓક્ટોબર સુધી શનિ-રાહુની યુતિ શતભિષા નક્ષત્રમાં થશે. જેનાથી એક અશુભ યોગ બનશે જે લગભગ બે મહિના સુધી ઘણી રાશિઓને નકારાત્મક રીતે પ્રભાવિત કરશે. આવો જાણીએ આ સમયે કઈ રાશિઓને સાવધાની રાખવાની જરૂર છે. 

કર્ક 
જ્યોતિષ ગણના અનુસાર કર્ક રાશિ પર અશુભ શનિ-રાહુ યુતિનો સૌથી પ્રતિકૂળ પ્રભાવ પડશે. આ યુતિ કર્ક રાશિના જાતકો માટે નાણાકીય મુશ્કેલીઓ અને સ્વાસ્થ્ય સંબંધી સમસ્યાઓ લાવી શકે છે. એવામાં અવરોધ તમારા પ્રયત્નોની પ્રગતિમાં મુશ્કેલી બની શકે છે અને અધુરા કાર્યોથી નુકસાન થઈ શકે છે. 

કુંભ 
કુંભ રાશિના જાતકો માટે 17 ઓક્ટોબર સુધીનો સમય પડકાર ભર્યો રહેવાનો છે. પ્રતિકુળ શનિ-રાહુ યુતિ નાણાકીય નુકસાન અને સ્વાસ્થ્ય સમસ્યાઓનું કારણ બની શકે છે. તમારા ચાલી રહેલા પ્રોજેક્ટમાં મુશ્કેલીઓ આવી શકે છે અને અધુરા કાર્યોના કારણે નુકસાન થઈ શકે છે. નોકરીયાત લોકોને કાર્યસ્થળ પર સહકર્મિઓ સાથે વિવાદનો સામનો કરવો પડી શકે છે. 

કન્યા 
શતભિષા નક્ષત્રમાં શનિ-રાહુની અશુભ યુતિ કન્યા રાશિના જાતકો માટે પ્રતિકૂળ પ્રભાવ લાવી શકે છે. માનસિક અને આર્થિક મુશ્કેલી વધારી શકે છે અને અચાનક દુર્ઘટનાના સંકેત મળી શકે છે. પરિવારની અંદર કે તમારી આસ-પાસના લોકોની સાથે વિવાદ થવાની સંભાવના છે. જેનાથી કાયદાકીય મુશ્કેલીઓ પણ પેદા થઈ શકે છે. આ સમયે કન્યા રાશિના લોકોને વધારે સાવધાન રહેવાની જરૂર છે.