વર્લ્ડ કપ / 23 વર્ષના આ યુવા ઓલરાઉન્ડરે તોડી નાખ્યો સચિન તેંડુલકરનો રેકોર્ડ, તેના નામ પાછળ ઈન્ટરેસ્ટિંગ કથા

• ન્યુઝીલેન્ડના યુવા ઓલરાઉન્ડર રચિન રવિન્દ્રે તોડ્યો સચિન તેંડુલકરનો રેકોર્ડ
• 23 વર્ષની ઉંમરમાં ડેબ્યૂ વર્લ્ડ કપમાં કર્યા સૌથી વધારે 550+ રન 
• સચિન તેંડુલકરે ડેબ્યૂ વર્લ્ડ કપમાં કર્યાં હતા 532 રન 

આઈસીસી વર્લ્ડ કપ 2023માં ન્યૂઝીલેન્ડ તરફથી પ્રથમ વર્લ્ડ કપ રમી રહેલા યુવા ઓલરાઉન્ડર રચિન રવિન્દ્રએ બે મોટા રેકોર્ડ તોડી નાખ્યા છે. રચિન રવિન્દ્રએ એક ખાસ મામલામાં માસ્ટર બ્લાસ્ટર સચિન તેંડુલકરને પાછળ છોડી દીધો છે, જ્યારે અન્ય એક મામલામાં ઇંગ્લેન્ડનો દિગ્ગજ બેટ્સમેન જોની બેયરસ્ટોથી પણ ઘણો આગળ નીકળી ગયો છે. એટલું જ નહીં વર્તમાન વર્લ્ડ કપમાં સૌથી વધુ રન પણ રચિન રવિન્દ્રના નામે નોંધાયા છે. તેણે દક્ષિણ આફ્રિકાના વિકેટકીપર બેટ્સમેન ક્વિન્ટન ડી કોકને પાછળ છોડી દીધો છે. 

HISTORIC.

Rachin Ravindra has scored most runs on a debut World Cup in the 48 year old history. pic.twitter.com/RjJCh2thUa

— Johns. (@CricCrazyJohns) November 9, 2023

રચિને સચિનનો રેકોર્ડ તોડ્યો 
વર્લ્ડ કપના ઈતિહાસમાં પોતાના ડેબ્યૂ વર્લ્ડ કપમાં સૌથી વધુ રન બનાવવાનો રેકોર્ડ અગાઉ બેયરસ્ટોના નામે હતો, બેયરસ્ટોએ વર્લ્ડ કપ 2019માં કુલ 532 રન બનાવ્યા હતા. રચિને હવે બેયરસ્ટોએને પાછળ છોડી દીધો છે અને આ વર્લ્ડ કપમાં તેના 550+ રન છે. આ સિવાય 25 વર્ષની ઉંમર પહેલા એક વર્લ્ડકપમાં સૌથી વધુ રન બનાવવાનો રેકોર્ડ સચિન તેંડુલકરના નામે નોંધાયેલો હતો. તેંડુલકરે 1996ના વર્લ્ડ કપમાં 523 રન ફટકાર્યા હતા, તેથી આ મામલે પણ હવે રચિન આગળ વધી ગયો છે.આ વર્લ્ડ કપમાં રચિને શાનદાર બેટિંગ કરી છે. આ મેચ પહેલા ન્યૂઝીલેન્ડ તરફથી રચિને ત્રણ સદી ફટકારી છે. રચિન માત્ર ક્વિન્ટન ડી કોકથી પાછળ છે, જેણે વર્લ્ડ કપ 2023માં કુલ ચાર સદી ફટકારી છે. 

રચિનનું નામ ખૂબ ઈન્ટરેસ્ટિગ રીતે પડ્યું 
રચિનના નામ પાછળ એક રમૂજી કથા પણ છે. ભારતીય મૂળના આ કિવી ક્રિકેટરનું નામ સચિન તેંડુલકર અને રાહુલ દ્રવિડના નામ પર રાખવામાં આવ્યું હતું. રચિનનો લુક પણ કંઈક અંશે યુવા તેંડુલકર જેવો જ છે.