- સમગ્ર દેશમાં ધામધૂમથી મનાવાયો ગણેશચોથનો તહેવાર
- પીએમ મોદી પણ રંગાયા વિઘ્નહર્તાના રંગમાં
- કેન્દ્રીય મંત્રી પિયુષ ગોયલના ઘેર પહોંચીને કરી ગણેશની પૂજા અર્ચના
સમગ્ર દેશભરમાં ભારે ધુમધામથી ભગવાન ગણેશનો તહેવાર શરુ થયો છે. લોકો પોતપોતાની શ્રદ્ધા-ભક્તિથી વિઘ્નહર્તાની પૂજા અર્ચના કરી રહ્યાં છે. પીએમ મોદી પણ ગણેશચોથના અવસરે કેન્દ્રીય મંત્રી પિષુય ગોયલના ઘેર પહોંચીને ગણેશની પૂજા-અર્ચના કરી હતી. આ ઘટનાનો એક વીડિયો પણ છે.
કેન્દ્રીય મંત્રી પિષુય ગોયલના ઘેર પહોંચ્યાં પીએમ મોદી
ગણેશચોથના અવસરે કેન્દ્રીય મંત્રી પિષુય ગોયલે પોતાના ઘેર આવવાનું પીએમ મોદીને આમંત્રણ આપ્યું હતું જે તેમણે સ્વીકારી લીધું હતું અને તે પ્રમાણે તેઓ ગુરુવારે 9 વાગ્યાની આસપાસ ગોયલના ઘેર પહોંચ્યાં હતા અને ગણેશની આરતી ઉતારી હતી. ગણેશની આરતી ઉતાર્યા બાદ પીએમ મોદીએ ત્યાં હાજર રહેલા લોકોનું અભિવાદન ઝીલ્યું હતું.
પીળા પીતાંબર વસ્ત્રમાં આવ્યાં પીએમ મોદી
પ્રસંગ પ્રમાણે પહેરવેશ માટે જાણીતા પ્રધાનમંત્રી મોદીએ પીળા પીતાંબર વસ્ત્ર પહેરીને ગોયલના ઘેર ગયા હતા અને ત્યાં પૂજા કરી હતી. તેઓ થોડો સમય ત્યાં રોકાયા હતા. મંત્રી પિષુય ગોયલ પણ પીએમ મોદીને આવેલા જોઈને ખુશખુશાલ બન્યાં હતા. ઉલ્લેખનીય છે કે પીએમ મોદી અનેક વાર પિયુષ ગોયલના વખાણ કરી ચૂક્યા છે. પિષુય ગોયલ પીએમ મોદીની ગૂડબૂકના મંત્રી છે.
આજે ગણેશ ચતુર્થી
ગણેશ ચતુર્થીથી 10 દિવસોનો ગણેશોત્સવ શરુ થઇ ગયો છે. આજે 31 ઓગસ્ટ એટલે કે બુધવારના રોજ ગણેશજીની મૂર્તિઓ વિધિ-વિધાનથી સ્થાપિત કરવામાં આવશે. ગણપતિ બાપ્પા આવતા 10 દિવસો સુધી પોતાના ભક્તો સાથે રહેશે. આ દરમિયાન ભક્તો ગણપતિને પ્રસન્ન કરવા માટે તેમની સેવા કરશે. ગણેશજીને તેમના પ્રિય ભોગ લગાવશે. આમ કરવાથી ગણપતિ પ્રસન્ન થાય છે.
ગણપતિને જરૂર લગાવો આ ભોગ
ગણપતિ બાપ્પાને મોદક અને દૂર્બા ખૂબ જ પ્રિય છે. ધર્મ શાસ્ત્રો અનુસાર, આ વસ્તુઓ વિના ગણેશજીની પૂજા અધૂરી માનવામાં આવે છે. જ્યારે પૂજામાં ગણેશજીને મોદક અને દૂર્બાનો ભોગ લગાવવાથી ભગવાન જલ્દી પ્રસન્ન થાય છે અને બધી જ મનોકામનાઓ પૂરી કરે છે. આ ઉપરાંત, ગણપતિને મોતીચૂરનાં લાડુ પણ પસંદ છે. 10 દિવસો દરમિયાન, ભક્તો ગણેશજીને સવારે અને સાંજે બંને સમયે જાતજાતની મીઠાઈઓ અને પકવાનોનો ભોગ લગાવે છે. મહિલાઓ ઘરમાં જાતજાતના પકવાન બનાવે છે. મોદક પણ સરળતાથી બનાવી શકાય છે. આ માટે વિભિન્ન ફૂડ વેબસાઈટ પર ઘણી રેસીપી પણ ઉપલબ્ધ છે.
