વડાપ્રધાન નરેન્દ્ર મોદી આજે એટલે કે મંગળવારે જમ્મુમાં ચિનાબ રેલ્વે બ્રિજનું ઉદ્ઘાટન કરશે. આ 1.3 કિલોમીટર લાંબા પુલની ઊંચાઈ 359 મીટર છે, જે તેને વિશ્વનો સૌથી ઉંચો રેલ્વે પુલ બનાવે છે. ચિનાબ નદી પર સ્ટીલનો બનેલો આ કમાન આકારનો પુલ કાશ્મીર ખીણને દેશના બાકીના ભાગો સાથે જોડશે. આ અદ્ભુત પુલ વિશેના 10 મહત્વના તથ્યો જાણો આ અહેવાલમાં.
1. આ પુલ ચિનાબ નદીની ઉપર 359 મીટરની ઉંચાઈ પર સ્થિત છે. આ વિશ્વનો સૌથી ઉંચો રેલ્વે પુલ છે અને તેની ઉંચાઈ એફિલ ટાવર કરતા 35 મીટર વધુ છે.
2. ચેનાબ રેલ્વે બ્રિજની લંબાઈ 1.3 કિલોમીટર છે. તે કટરાથી બનિહાલ સુધીના 111 કિલોમીટર લાંબા પટમાં એક મહત્વપૂર્ણ કડી બનાવે છે.
3. જમ્મુ અને કાશ્મીરના રિયાસી જિલ્લામાં વિશ્વનો સૌથી ઉંચો રેલ્વે બ્રિજ બનાવવામાં આવ્યો છે. તમને જણાવી દઈએ કે તેને બનાવવામાં 1486 કરોડ રૂપિયાનો ખર્ચ થયો છે.
4. આ પુલનું નિર્માણ વર્ષ 2002માં ઉધમપુર-શ્રીનગર-બારામુલા રેલ લાઇન પ્રોજેક્ટ હેઠળ શરૂ થયું હતું. આખો બ્રિજ ઓગસ્ટ 2022માં તૈયાર થઈ ગયો હતો.
5. આ બ્રિજ આધુનિક એન્જિનિયરિંગનું અદ્ભુત ઉદાહરણ છે. તેને એવી રીતે ડિઝાઇન કરવામાં આવી છે કે તે 266 કિમી પ્રતિ કલાકની ઝડપે પવનને પણ ટકી શકે છે.
6. ચેનાબ બ્રિજમાં કમાન આકારની ડિઝાઇન છે જે તેને ખાસ બનાવે છે. કમાન સ્ટીલની બનેલી છે અને તે પુલનો સૌથી મહત્વપૂર્ણ ભાગ છે.
7. આ પુલ પરથી ટ્રેન 100 કિલોમીટર પ્રતિ કલાકની ઝડપે પસાર થઈ શકશે. ટૂંક સમયમાં જમ્મુ અને શ્રીનગર વચ્ચે વંદે ભારત મેટ્રો ટ્રેન શરૂ થશે.
8. આશા છે કે આ બ્રિજના ઉદ્ઘાટન બાદ જમ્મુ-કાશ્મીરના આર્થિક વિકાસને પણ વેગ મળશે. તેનાથી અહીં બિઝનેસ વધશે.
9. આ સાથે પ્રવાસન ક્ષેત્રને પણ આ પુલ પાસેથી ઘણી અપેક્ષાઓ છે. એવું માનવામાં આવે છે કે સારી કનેક્ટિવિટી સાથે પ્રવાસીઓની સંખ્યામાં પણ વધારો થશે.
વધુ વાંચો : કટ્ટર વિરોધી નેતા પણ બની ગયા PM મોદીના ફેન; કહ્યું કાશ્મીરને જેની જરૂર હતી એ જ કામ કરી રહ્યા છે PM
10. સત્તાવાળાઓએ ચેનાબ બ્રિજને પ્રવાસન સ્થળ બનાવવાની તૈયારીઓ પણ કરી લીધી છે. આ બ્રિજ બનાવવા માટે 28,660 મેટ્રિક ટન સ્ટીલનો ઉપયોગ કરવામાં આવ્યો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
_6.jpg)
