- 3 જુલાઈએ PM મોદીએ બોલાવી કેબિનેટની મોટી બેઠક
- કેબિનેટમાં થઈ શકે ફેરફાર
- કેટલાક નવા મંત્રીઓને કરી શકાય સામેલ
- 2024ની લોકસભા અને વિધાનસભાની ચૂંટણીઓને લઈને પણ ચર્ચા
ભાજપ નેતાઓ સાથે મોટી બેઠક કર્યાંના એક દિવસ બાદ હવે એવું જાણવા મળ્યું છે કે પીએમ મોદીએ 3 જુલાઈએ કેન્દ્રીય કેબિનેટની એક મોટી બેઠક બોલાવી છે. સૂત્રોના જણાવ્યાનુસાર પીએમ મોદીએ આ બેઠક વહેલી બોલાવી છે સામાન્ય રીતે કેબિનેટની બેઠક દર બુધવારે યોજાતી હતી પરંતુ આ વખતે થોડી વહેલી થવાની છે. વડાપ્રધાન નરેન્દ્ર મોદીએ 3 જુલાઈએ દિલ્હીના પ્રગતિ મેદાન સ્થિત કન્વેન્શન સેન્ટરમાં યોજાશે, જ્યાં સપ્ટેમ્બરમાં જી-20 સમિટ પણ યોજાવાની છે. પીએમ મોદી કેબિનેટ ફેરબદલ કરે તેવી પણ મોટી સંભાવના છે. કેટલાક મંત્રીઓને બદલે નવા ચહેરાને સ્થાન મળી શકે છે.
ગઈ કાલે મોદીએ ભાજપ નેતાઓ કરી હતી મોટી બેઠક
આ બેઠક એવા સમયે થઈ રહી છે જ્યારે પીએમ મોદીએ બુધવારે (28 જૂન) કેન્દ્રીય ગૃહમંત્રી અમિત શાહ અને ભાજપ અધ્યક્ષ જેપી નડ્ડા સાથે મુલાકાત કરી હતી. એવું માનવામાં આવે છે કે સરકાર અને ભાજપ સંગઠનમાં ફેરફાર અંગે ચર્ચા થઈ હતી. આવી સ્થિતિમાં, એવું અનુમાન લગાવવામાં આવી રહ્યું છે કે 3 જુલાઈએ પીએમ મોદીએ બોલાવેલી બેઠક પછી, મંત્રીપરિષદમાં ઘણા ફેરફારો થઈ શકે છે.
ભાજપની બેઠક કેમ થઈ?
શાહ, નડ્ડા અને ભાજપના મહાસચિવ (સંગઠન) બીએલ સંતોષે બુધવારે પીએમ નરેન્દ્ર મોદીના નિવાસસ્થાને યોજાયેલી બેઠકમાં ભાગ લીધો હતો. માનવામાં આવી રહ્યું છે કે આ વર્ષના અંતમાં મધ્ય પ્રદેશ, રાજસ્થાન, છત્તીસગઢ, તેલંગાણા અને મિઝોરમમાં વિધાનસભા ચૂંટણીને લઈને ચર્ચા થઈ છે.
2024માં યોજાનારી લોકસભાની ચૂંટણીને લઈને પણ ચર્ચા
આ ઉપરાંત 2024માં યોજાનારી લોકસભાની ચૂંટણીને લઈને પણ ચર્ચા થઈ રહી છે. જોકે પીએમ મોદી સાથેની બેઠકને લઈને ભાજપે કોઈ સત્તાવાર નિવેદન જારી કર્યું નથી, પરંતુ પાર્ટીએ ચૂંટણીની તૈયારીઓ તેજ કરી દીધી છે. છેલ્લા કેટલાક દિવસોમાં અમિત શાહ, નડ્ડા અને ભાજપના મહાસચિવ (સંગઠન) બી એલ સંતોષે સંગઠન અને રાજકીય મુદ્દાઓ પર અનેક રાઉન્ડની ચર્ચા કરી છે. છેલ્લી બેઠક 6 જૂને મળી હતી.
જુલાઈના ત્રીજા અઠવાડિયાથી ચોમાસુ સત્ર
સંસદના ચોમાસુ સત્રના થોડા દિવસો પહેલા મંત્રી પરિષદની બેઠક થઈ રહી છે. જુલાઈના ત્રીજા અઠવાડિયાથી ચોમાસુ સત્ર શરૂ થવાની સંભાવના છે.
