રહસ્યમયી / હનુમાન દાદાના આ મંદિરમાં ત્યાં જ ફેંકી દેવો પડે છે પ્રસાદ, બૂમાબૂમ કરતાં દેખાય છે સેંકડો લોકો, જાણો શું છે રહસ્ય

• એક રહસ્યમય મંદિર રાજસ્થાનના કરોલી જિલ્લામાં આવેલ છે
• આ મંદિર ભૂત ભાગવવા માટે અને દરેક ઈચ્છા પૂરી કરવા માટે ઘણું જાણીતું છે
• આ મંદિરમાંથી મળતો પ્રસાદ ત્યાં જ ફેંકી દેવો પડે છે

ભારતના ખૂણે ખૂણામાં ઘણા નાના-મોટા અને રહસ્યમય મંદિરો આવેલ છે જેના વિશે આપણે જાણતા પણ નથી હોતા. એક એવું જ રહસ્યમય મંદિર રાજસ્થાનના કરોલી જિલ્લામાં આવેલ છે.
રાજસ્થાનના કરોલી જિલ્લાના મહેંદીપૂરમાં આવેલ બાલાજીમંદિર ભારતના એ જ રહસ્યોમય મંદિરમાંથી એક છે. આ મંદિરમાં ભગવાનના બાળપણના રૂપની પૂજા-પ્રાથના કરવામાં આવે છે. આ મંદિરને બાલાજી એટલે કે બચ્ચા મંદિર કેમ કહેવામાં આવે છે ચાલો જાણીએ.. 

તમે જ્યારે આ મંદિરમાં જશો ત્યારે તમે કોઈ અલગ દુનિયામાં આવી ગયા હોય એવી અનુભૂતિ થશે. એક અલગ પ્રકારની ઉર્જા તમને ત્યાં પ્રભાવિત કરશે. વર્ષના કોઈ પણ દિવસે તમે આ મંદિરમાં જશો ત્યાં ભક્તોની ભીડ ઉમટી દેખાશે. ખાસ કરીને એ ભક્તોની ભીડમાં ઘણા એવા હશે જે ખરાબ આત્માથી પીડિત હશે. રાજસ્થાનમાં આવેલ આ મંદિર ભૂત ભાગવવા માટે અને દરેક ઈચ્છા પૂરી કરવા માટે ઘણું જાણીતું છે. મંદિર સુધી પંહોચવાના રસ્તા પર તમને ઘણા મહિલા-પુરુષ જોવા મળશે જે અલગ અલગ ભાષા અને અવાજમાં રાડો પડતાં હશે અને ઘણા પંડિત  મંત્રોચ્ચાર કરીને એમના પર પવિત્ર જળનો છંટકાવ કરતાં હશે. 

દેશભરથી લોકો આ મંદિરમાં દર્શન કરવા આવે છે. જો આ સાથે મંદિરની બીજી ખાસિયત એ છે કે એવું કહેવામાં આવે છે કે આ મંદિરમાંથી મળતો પ્રસાદ ત્યાં જ ફેંકી દેવો પડે છે અને પ્રસાદ ફેંક્યા પછી પાછળ જોયા વિના ચાલતું રહેવું પડે છે. આ પ્રક્રિયા પૂર્ણ કરવા માટે મંદિરમાં એક અલગ જગ્યા બનાવવામાં આવી છે. સાથે જ મંદિરમાં દર્શન કરતા જવા પહેલા અમુક નિયમોનું પાલન કરવું ખુબ જ જરૂરી છે. 

મંદીરમાં દર્શન કરવા જવા પહેલા એક અઠવાડિયા સુધી નોનવેજ ખાવાની મનાઈ ફરમાવામાં આવી છે. અ સાથે જ મંદિર પર દર્શન કરવા ગયા પછી ત્યાં પૈસા કે કોઈ પણ ચડાવો ચઢાવવાની મનાઈ કરવામાં આવી છે. મંદિરના પુજારી પણ ભગવાન કે વિધિના નામે પૈસા લેતા નથી. સાથે જ ત્યાં ફોટો અને વીડીયોગ્રાફી કરવાની મનાઈ છે. અ મંદિરમાં ખાસ કરીને મંગળવારે અને શનિવારે સૌથી વધુ ભીડ જોવા મળે છે.