તમારા કામનું / દર મહીને રૂ. 9000ની આવક, બસ પોસ્ટ ઓફિસની આ ધાંસૂ સ્કીમમાં કરો આટલાનું રોકાણ, રહેશો ફાયદામાં

• પોસ્ટ ઓફિસની યોજનાઓ સૌથી સુરક્ષિત
• તમે દર મહિને 9,000 રૂપિયાની આવક થશે
• દર મહિને 9000 રૂપિયાથી વધુ મળશે

આજના સમયમાં દરેક વ્યક્તિ બચત કરવા માટે અવનવા પ્લાન અને સ્કીમમાં રોકાણ કરે છે. ત્યારે આજે અમે તમને પોસ્ટ ઓફિસની એક એવી સ્કીમ વિશે જણાવવા જઈ રહ્યા છીએ જે તમને ખરેખર ઉપયોગી સાબિત થશે.  પોસ્ટ ઓફિસ દ્વારા ઘણી યોજનાઓ અમલમાં મુકવામાં આવી છે જેમાં રોકાણ કરીને સારી બચત કરી શકો છો. જેમાં શામેલ પોસ્ટ ઓફિસ માસિક આવક યોજનામાં રોકાણ કરીને તમે દર મહિને 9,000 રૂપિયાની નિયમિત આવક મેળવી શકો છો. 

પોસ્ટ ઓફિસની યોજનાઓ સૌથી સુરક્ષિત

પોસ્ટ ઓફિસની યોજનાઓ સુરક્ષાના સંદર્ભમાં સૌથી સુરક્ષિત માનવામાં આવે છે. જેના પગલે લોકોની પહેલી પસંદ હોય છે. ભારતમાં પોસ્ટ ઓફિસ સેવિંગ સ્કીમ્સ ખૂબ પસંદ કરવામાં આવે છે. દરેક વયના લોકો માટે ઉપલબ્ધ યોજનાઓ છે એટલે કે બાળકોથી લઈને વૃદ્ધો સુધી કોઈપણ આ યોજનાઓનો લાભ લઈ શકે છે. હવે જો આપણે પોસ્ટ ઓફિસ મંથલી ઈન્કમ સ્કીમ (POMIS) વિશે વાત કરીએ તો તે એક શ્રેષ્ઠ વિકલ્પ સાબિત થઈ શકે છે. આ યોજનામાં રોકાણ કર્યા પછી તમે દર મહિને એક સારી આવક મેળવી શકો છો. તો સાથે સાથે તમારું રોકાણ અને પૈસા પણ એકદમ સુરક્ષિત રહેશે.

5 વર્ષ માટે રોકાણ કરવું પડશે

પોસ્ટ ઓફિસની આ શાનદાર સ્કીમમાં માત્ર પૈસા જ સુરક્ષિત નથી, પરંતુ વ્યાજ પણ બેંકો કરતા વધારે છે. જો તમે 5 વર્ષ માટે રોકાણ કરવા માંગો છો તો આ એક નફાકારક સોદો સાબિત થઈ શકે છે. તમે એક ખાતા દ્વારા પોસ્ટ ઓફિસ માસિક બચત યોજનામાં ઓછામાં ઓછા રૂ. 1,000 અને વધુમાં વધુ રૂ. 9 લાખનું રોકાણ કરી શકો છો. જો તમે સંયુક્ત ખાતું ખોલો છો તો તેમાં મહત્તમ રોકાણ મર્યાદા 15 લાખ રૂપિયા નક્કી કરવામાં આવી છે. એટલે કે પતિ-પત્ની બંને મળીને જોઈન્ટ એકાઉન્ટમાં 15 લાખ રૂપિયા સુધીનું રોકાણ કરી શકે છે. સંયુક્ત ખાતામાં વધુમાં વધુ ત્રણ લોકો રોકાણ કરી શકે છે.

રોકાણ પર સારૂં વ્યાજ મળે

જો તમે નિવૃત્તિ પછી અથવા તે પહેલાં તમારા માટે માસિક આવકની વ્યવસ્થા કરવા માંગો છો, તો તમે પોસ્ટ ઓફિસની આ યોજનામાં રોકાણ કરવાનું શરૂ કરી શકો છો. સરકાર હાલમાં આ બચત યોજનામાં 7.4 ટકાના દરે વાર્ષિક વ્યાજ આપી રહી છે. યોજના હેઠળ રોકાણ પર મળતું આ વાર્ષિક વ્યાજ 12 મહિનામાં વહેંચવામાં આવે છે અને તે પછી તમને દર મહિને આ રકમ મળતી રહે છે. જો તમે માસિક પૈસા ઉપાડશો નહીં, તો તે તમારા પોસ્ટ ઑફિસ બચત ખાતામાં રહેશે અને તમને આ નાણાં મૂળ રકમ સાથે ઉમેરીને વધુ વ્યાજ મળશે.

દર મહિને 9000 રૂપિયાથી વધુ મળશે

હવે જો તમારે દર મહિને 9,000 રૂપિયાથી વધુની નિયમિત આવક જોઈતી હોય તો તેના માટે તમારે જોઈન્ટ એકાઉન્ટ ખોલાવવું પડશે. ધારો કે તમે તેમાં 15 લાખ રૂપિયાનું રોકાણ કરો છો, તો તમને વાર્ષિક 7.4 ટકાના દરે વ્યાજની રકમ 1.11 લાખ રૂપિયા થશે. હવે જો તમે આ વ્યાજની રકમને વર્ષના 12 મહિનામાં સમાન રીતે વિભાજીત કરશો તો તમને દર મહિને 9,250 રૂપિયા મળશે. જો તમે એક ખાતું ખોલીને રોકાણ કરવાનું શરૂ કરો છો, તો આ યોજનામાં મહત્તમ રૂ. 9 લાખના રોકાણ પર તમને વાર્ષિક રૂ. 66,600 વ્યાજ તરીકે મળશે એટલે કે દર મહિને રૂ. 5,550ની આવક થશે.

 

POMIS ખાતું ક્યાં ખોલી શકાય?

પોસ્ટ ઓફિસની અન્ય બચત યોજનાઓની જેમ પોસ્ટ ઓફિસ માસિક આવક યોજનામાં ખાતું ખોલાવવું પણ ખૂબ જ સરળ છે. તમે તમારી નજીકની પોસ્ટ ઓફિસમાં જઈને આ ખાતું ખોલાવી શકો છો. આ માટે તમારે ફક્ત નેશનલ સેવિંગ્સ મંથલી ઈન્કમ એકાઉન્ટ માટે એક ફોર્મ ભરવાનું રહેશે અને ભરેલા ફોર્મની સાથે તમારે એકાઉન્ટ ખોલવા માટે રોકડ અથવા ચેક દ્વારા નિર્ધારિત રકમ જમા કરવી પડશે. આ યોજનામાં ખાતું ખોલવા માટે તમારી પાસે પાન કાર્ડ અને આધાર કાર્ડ હોવું આવશ્યક છે.